भाजपचे राष्ट्रीय प्रवक्ते शेहजाद पूनावाला यांनी दिल्लीत प्रतिक्रिया व्यक्त करताना सांगितले की, आता आम आदमी पार्टीचा अर्थ “आम आदमी पक्ष” असा राहिला नसून तो “एकट्या अरविंदचा पक्ष” झाला आहे.
अरविंद केजरीवाल यांच्या नेतृत्वाखाली पक्ष आपल्या मूलभूत तत्त्वांपासून भरकटला आहे, असा आरोप त्यांनी केला. अण्णा हजारेंच्या आंदोलनातून उदयास आलेल्यांनी परिवर्तनाचे आश्वासन दिले होते, पण आज ते स्वतः बदलले आहेत. व्हीव्हीआयपी संस्कृतीच्या विरोधात बोलणारे आज 'शीशमहाल'मध्ये राहत आहेत. जनतेला मुर्ख बनवण्याचा त्यांचा सातत्याने प्रयत्न सुरू आहे.
याच मुद्द्यावरून भाजपचे राष्ट्रीय सरचिटणीस तरुण चुग यांनीही पंजाबमधील मोहालीमध्ये आपवर जोरदार हल्ला चढवला. केजरीवाल यांनी पक्षाच्या मूळ आदर्शांचा त्याग केला असल्याचा आरोप त्यांनी केला आणि पंजाबमध्ये “सरकारच्या नावावर माफिया राजवट” सुरू असल्याचे सांगितले. न्यायालयानेही भ्रष्टाचाराबाबत केजरीवालांवर भाष्य केल्याचा दावाही त्यांनी केला.
ते म्हणाले की, 'आप' पक्षाच्या नेत्यांना आता समजले आहे की पक्षात योग्य काम होत नाही, त्यामुळेच ते पक्ष सोडत आहेत. येत्या काही दिवसांत हे पूर्णपणे संपेल. भाजपच्या नेतृत्वावर सर्वांचा विश्वास आहे.
जेडीयूचे राष्ट्रीय प्रवक्ते राजीव रंजन यांनीही या मुद्द्यावर प्रतिक्रिया दिली आणि पक्षात राघव चढ्ढा यांच्याशी केलेली वागणूक दुर्दैवी असल्याचे सांगितले. चढ्ढा हे एक विश्वासार्ह रणनीतीकार होते आणि त्यांनी सोपवलेल्या जबाबदाऱ्या प्रभावीपणे पार पाडल्या, पण पक्ष नेतृत्वाने त्यांच्याकडे दुर्लक्ष केले, त्याचे परिणाम आता दिसू लागले आहेत.
राजीव रंजन यांनी तेजस्वी यादव यांच्या पश्चिम बंगाल दौऱ्यावरही निशाणा साधला. ते म्हणाले की, राष्ट्रीय जनता दल (आरजेडी) आता केवळ बिहारमध्येच नाही तर संपूर्ण देशात आपली प्रासंगिकता गमावून बसला आहे आणि तेजस्वी यादव यांना गांभीर्याने घेतले जात नाही.
श्रीनगर पोलिसांनी ड्रग्ज तस्करांची साडेतीन कोटी रुपयांची मालमत्ता जप्त केली आहे
Comments are closed.