मल्याळम अभिनेत्री मीरा वासुदेवने नुकतीच एक खंत व्यक्त केली. ४४ वर्षीय मीराची तीन लग्ने झाली होती. परंतु आता मात्र तिला ही लग्नं करण्याचा पश्चाताप होत आहे. तिने अशा लोकांवर मौल्यवान वेळ वाया घालवला ज्यांनी तिला कधीच गांभीर्याने घेतले नाही. धन्या वर्मा यांच्याशी झालेल्या संभाषणात अभिनेत्री मीरा वासुदेवन म्हणाली “मी माझ्या मुलाला अनेकदा सांगते… मी माझ्या आयुष्याची 17 वर्षे तीन मूर्ख लग्नांवर वाया घालवली. मी माझ्या बुद्धीचा वापर करून खूप काही साध्य करू शकले असते.” मीरा म्हणाल्या, “मी तो वेळ इतरांवर वाया घालवला.”
“मी माझ्या आवडीच्या गोष्टींवर लक्ष केंद्रित करू शकले असते, जसे की सिनेमा, फिटनेस किंवा एक उत्तम सामाजिक वर्तुळ तयार करणे. मी आयुष्यात खूप काही करू शकले असते, पण मी ते केले नाही. मी माझे वडील, आई आणि बहिणीसोबत अधिक वेळ घालवू शकले असते. मी तो वेळ इतरांवर वाया घालवला… मी अशा लोकांसोबतच्या नात्यांमध्ये खूप वेळ वाया घालवला ज्यांनी मला कधीच गांभीर्याने घेतले नाही किंवा माझा आदर केला नाही.” असे वृत्त एनडीटीव्ही ने दिले आहे.
अभिनेत्री मीराने तिच्या तीन अयशस्वी लग्नांबद्दल उघडपणे बोलण्याची ही पहिली वेळ नाही. यापूर्वी, ‘मूव्ही वर्ल्ड मीडिया’शी बोलताना मीरा म्हणाली होती, “अशा गोष्टी घडणार हे मी आधीच स्वीकारले होते. माझ्याकडून चुका झाल्या आहेत आणि माझ्याकडे लपवण्यासारखे काही नाही. आता मला माझ्या आयुष्यात पुढे जायचे आहे.” मी सध्या माझ्या करिअरमध्ये खूप व्यस्त आहे आणि माझ्या आयुष्यात खूप आनंदी आहे. मी सध्या माझ्या आयुष्याच्या एका खूप सुंदर टप्प्यात आहे.”
मीरा वासुदेवनने 2005 मध्ये सिनेमॅटोग्राफर अशोक कुमार यांचा मुलगा विशाल अग्रवाल याच्याशी लग्न केले. जुलै 2010 मध्ये ते वेगळे झाले. त्यानंतर तिने 2012 मध्ये मल्याळम अभिनेता जॉन कोक्कनशी लग्न केले आणि त्यांना एक मुलगा आहे. 2016 मध्ये ते वेगळे झाले. त्यानंतर तिने मे 2024 मध्ये सिनेमॅटोग्राफर विपिन पुथियांकम यांच्याशी लग्न केले, पण ऑगस्ट 2025 मध्ये त्यांचा घटस्फोट झाला.
मीरा वासुदेवन 2005 मध्ये आलेल्या ‘तन्मात्रा’ या चित्रपटातील मोहनलाल यांच्यासोबतच्या दमदार अभिनयामुळे लोकप्रिय झाली. त्यानंतर ती ‘ओरुवन’, ‘एकांतम’, ‘कुट्टीमामा’, ‘थक्कोल’ आणि ‘पैकप्पल’ यांसारख्या चित्रपटांमध्ये दिसली.
Comments are closed.