अमेरिका इराणमध्ये शांतता करारासाठी चर्चा सुरू असतानाच दोन्ही देशांत पुन्हा तणाव वाढला आहे. मात्र, आता अमेरिकेचे अध्यक्ष डोनाल्ड ट्रम्प यांनी केलेल्या एका वक्तव्याने पुन्हा एकदा जगाचे लक्ष आखाताकडे वेधले गेले आहे. अमेरिकेचे अध्यक्ष डोनाल्ड ट्रम्प यांनी बुधवारी सांगितले की इराणने अण्वस्त्रे न बनवण्यास सहमती दर्शवली आहे. तसेच इराणचे सर्वोच्च नेते, अली खामेनी, अमेरिकेसोबत सुरू असलेल्या वाटाघाटींमध्ये थेट सहभागी होत आहेत, असा दावाही त्यांनी केला.
इराणने अण्वस्त्रे विकसित करणार नाही, असे आश्वासन दिले आहे. इराणचे सर्वोच्च नेते, अली खामेनी, अमेरिकेसोबत सुरू असलेल्या वाटाघाटींमध्ये थेट सहभागी होत आहेत, तसेच त्यांनी चर्चेला आपला पाठिंबा असल्याचेही सांगितले आहे, असा दावा ट्रम्प यांनी केला आहे.
ट्रम्प यांनी एका पॉडकास्ट मुलाखतीत सांगितले की, इराणचे सर्वोच्च नेते खामेनी यांची प्रकृती ठीक नसल्याचे वृत्त आहे. मात्र, ते अमेरिकेसोबत सुरू असलेल्या चर्चेला मान्यता देत आहेत. मला खामेनी यांना भेटायला आवडेल. परिस्थिती कशी विकसित होते यावर अवलंबून, आम्ही कदाचित कधीतरी भेटू, असेही ते म्हणाले.
इराणने मान्य केले आहे की त्यांच्याकडे अण्वस्त्रे नसतील. अमेरिका आणि इराण यांच्यात चर्चा सुरू आहे आणि दोन्ही बाजूंमध्ये व्यापक सामंजस्य होत आहे. आम्ही एका करारावर काम करत आहोत. जर करार झाला, तर ते चांगलेच आहे, आणि नाही झाला तरी चालेल. मग आम्ही दुसरा मार्ग स्वीकारू. इराणचे सर्वोच्च नेते खामेनी अमेरिकेसोबतच्या वाटाघाटींमध्ये थेट सहभागी आहेत, त्यामुळे दोन्ही देशात शांतता करार होण्याची शक्यता निर्माण झाली आहे. ट्रम्प यांची ही टिप्पणी अशा वेळी आली आहे, जेव्हा अमेरिका आणि इराण यांच्यातील अणुतणाव वाढू नये आणि व्यापक मध्य पूर्व प्रदेशात स्थिरता राखण्यासाठी राजनैतिक प्रयत्न सुरू आहेत.
Comments are closed.