इंग्लंड दौऱ्यात यशस्वी जयस्वालला मिळणार संधी? शेवटच्या क्षणी टीम इंडियात बदल होण्याची शक्यता!

टीम इंडियाचा स्टार सलामीवीर यशस्वी जयस्वालला (Yashasvi Jaiswal) इंग्लंड दौऱ्यासाठीच्या संघात स्थान मिळालेले नाही. अफगाणिस्तानविरुद्धच्या वनडे मालिकेत त्याला संधी मिळाली होती, जिथे त्याने शेवटच्या सामन्यात धडाकेबाज शतक ठोकून टीमला विजय मिळवून दिला होता. विराट कोहलीच्या (Virat Kohli) जागी तो त्या मालिकेत खेळला होता. आता इंग्लंड दौऱ्यात संधी मिळण्यासाठी त्याला पुन्हा एकदा नशिबाची साथ लागण्याची शक्यता आहे.

आयपीएल 2026 च्या फायनलमध्ये विराट कोहली दुखापतग्रस्त झाल्यामुळे तो अफगाणिस्तानविरुद्धच्या वनडे मालिकेत खेळू शकला नव्हता. इंग्लंड दौऱ्यासाठीच्या वनडे संघात विराटचा समावेश करण्यात आला आहे, परंतु मालिकेत खेळण्यापूर्वी त्याला फिटनेस टेस्ट पास करावी लागेल. जर तो ही चाचणी यशस्वीपणे पार करू शकला नाही, तर बीसीसीआय (BCCI) पुन्हा एकदा यशस्वी जयस्वालला संघात बोलावू शकते.

यशस्वी हा तिन्ही फॉरमॅटचा खेळाडू असला तरी, सध्या केवळ कसोटी क्रिकेटमध्ये सलामीवीर म्हणून त्याचे स्थान पक्के आहे. टी-20 संघात तो नाही आणि वनडेमध्येही त्याला क्वचितच संधी मिळते. मात्र, जेव्हा जेव्हा त्याला वनडेत संधी मिळाली आहे, तेव्हा त्याने जबरदस्त कामगिरी केली आहे.

त्याने आतापर्यंत खेळलेल्या 6 वनडे सामन्यांत 71.25 च्या सरासरीने 285 धावा केल्या आहेत, ज्यात 2 शानदार शतकांचा समावेश आहे.

इंग्लंड वनडे मालिकेसाठी टीम इंडियाचा संघ:
शुभमन गिल (कर्णधार), रोहित शर्मा, विराट कोहली, श्रेयस अय्यर (उपकर्णधार), केएल राहुल (कर्णधार), इशान किशन (कर्णधार), वॉशिंग्टन सुंदर, अक्षर पटेल, नितीश कुमार रेड्डी, कुलदीप यादव, जसप्रीत बुमराह, प्रसीद कृष्णा, हर्षित राणा, अर्शदीप सिंह आणि अरश कुमार.