मुंबई : मोठ्या प्रतिक्षेनंतर अखेर मुंबईत बुधवारी (24 जून) पावसाने जोरदार हजेरी लावली. गेल्या 24 तासांमध्ये मुंबईत 200 मिमीपेक्षा अधिक पाऊस पाडला असल्याचे समोर आले आहे. पण, या पहिल्याच पावसात मुंबईकरांची मात्र मोठी तारांबळ उडाली आहे. मुंबई आणि उपनगरातील अनेक भागांमध्ये पाणी साचल्याने नागरिकांचे तसेच प्रवाशांचे मोठ्या प्रमाणात हाल झाले. अनेकांना साचलेल्या गुडघाभर पाण्यातूनच वाट काढावी लागली. तसेच, सकाळी कामासाठी निघालेल्या कर्मचाऱ्यांना लेट मार्कचा सामना करावा लागला. कारण, या पावसाचा मोठा परिणाम मुंबई लोकल वाहतूक सेवेवर झाल्याचे समोर आले. अनेक लोकल गाड्या उशिराने धावत होत्या. याच पार्श्वभूमीवर मुंबईत साचलेल्या पाण्याचे चित्र धावणारे अनेक फोटो सोशल मीडियावर चांगलेच व्हायरल झाले आहेत.
पहिल्याच पावसात अंधेरी येथील सबवेमध्ये पाणी भरल्याचे पाहायला मिळाले. त्यामुळे, याठिकाणी झालेल्या नालेसफाईची पोलखोल झाल्याचे समोर आले. Photo : Deepak Salvi
दक्षिण मुंबईतील भुलाबाई देसाई रोडवर एक झाड पडल्याने एकच गोंधळ उडाला. यामुळे या परिसरात काहीकाळ वाहतूक कोंडी झाल्याचे पाहायला मिळाले. Photo : Deepak Salvi
दादरच्या टीटी परिसरात एका चारचाकीवर झाड पडल्याने मोठे नुकसान झाले आहे.
पावसाचे पाणी हिंदमाता, किंग्जसर्कल, सायन, कुर्ला, चेंबूर, मानखुर्द, बोरिवली, कांदिवली, मालाड, अंधेरी, बोरिवली येथील सखल भागात पावसाचे पाणी साचले. Photo : Deepak Salvi
शहर आणि उपनगरात आगामी 24 तासात आकाश अंशतः ढगाळ राहून मेघगर्जनेसह मध्यम ते जोरदार स्वरूपाचा तर वादळी वाऱ्यासह सोसायट्याचा पाऊस पडण्याची शक्यता व्यक्त हवामान खात्याने वर्तवली आहे. Photo : Deepak Salvi
भारतीय हवामान विभागाने पुढील काही तासांत आणखी जोरदार पाऊस पडण्याचा इशारा दिला आहे. तसेच, मुंबई आणि पालघर जिल्ह्यासाठी ऑरेंज अलर्ट जारी केला आहे. Photo : Deepak Salvi
रस्त्यांवर पावसाचं पाणी साचल्यामुळे शहरातील अनेक प्रमुख मार्गांवर वाहतूक कोंडी झाली आहे. याचा मोठा फटका कार्यालयात जाणाऱ्या नोकरदारांना बसला. Photo : Deepak Salvi
छायाचित्र : दीपक साळवी
Comments are closed.