जपानी युद्धनौका अंदमान निकोबारमध्ये दाखल झाली.

विजयपुरम:

भारत आणि जपानदरम्यान संरक्षण तसेच परस्पर सहकार्य सातत्याने नवी उंची गाठत आहे. अलिकडेच जपान नौदलाची विध्वंसक युद्धनौका जेएस ताकानामीश्री ही विजयपुरम (अंदमान आणि निकोबार) येथे पोहोचली. जपानी युद्धनौकेचा हा दौरा हिंद-प्रशांत क्षेत्रात शांतता, स्थिरता आणि सागरी सुरक्षेबद्दल दोन्ही देशांच्या संयुक्त प्रतिबद्धतेला आणखी मजबूत करत असल्याचे भारतीय नौदलाने म्हटले आहे. जपानच्या युद्धनौकेचे कमांडिंग ऑफिसर आणि जपानचे संरक्षण अताशे कॅप्टन नाकानिशी रयोता यांनी यावेळी अंदमान-निकोबार कमांडच्या नौदल कमांडरची भेट घेतली आहे. दोन्ही देशांच्या नौदलांदरम्यान स्मृतिचिन्हांचे आदान-प्रदान झाले, जे द्विपक्षीय संरक्षण भागीदारीचे प्रतीक मानले गेले. जपानी युद्धनौकेचा अंदमान दौरा आणि प्रस्तावित भारत-जपान शिखर परिषद दोन्ही देश हिंद-प्रशांत क्षेत्रात सुरक्षा, आर्थिक सहकार्य आणि रणनीतिक संतुलनाला नवी मजबुती देण्याच्या दिशेने वेगाने वाटचाल करत असल्याचा संकेत देत असल्याचे तज्ञांचे मानणे आहे.