रशिया तेल संकट: रशिया आणि युक्रेनमधील युद्धाला तीन वर्षांहून अधिक काळ लोटला आहे. सुरुवातीला रशियाला आशा होती की हा संघर्ष लवकर संपेल, परंतु कालांतराने युद्धाचे स्वरूप बदलले. रशिया ज्याला जग ऊर्जा महासत्ता म्हणून ओळखते. ज्या रशियाकडून भारतासह जगातील अनेक देश लाखो बॅरल कच्च्या तेलाची खरेदी करतात. आज त्याच रशियात पेट्रोल आणि डिझेलचा तुटवडा असल्याच्या बातम्या येत आहेत. रशियातील अनेक भागात पेट्रोल पंपांवर लांबच लांब रांगा लागल्या आहेत.
युक्रेनच्या सततच्या ड्रोन हल्ल्यांमुळे रशियाच्या तेल शुद्धीकरण कारखान्यांना लक्ष्य केले जात आहे आणि आता त्याचा परिणाम थेट सामान्य लोकांच्या जीवनावर दिसून येत आहे. परिस्थिती इतकी गंभीर आहे की देशांतर्गत बाजारपेठ वाचवण्यासाठी रशियन सरकार डिझेल निर्यातीवर बंदी घालण्याचा विचार करत आहे. रशिया सध्या कठीण काळातून जात असल्याची कबुली खुद्द राष्ट्राध्यक्ष व्लादिमीर पुतीन यांनी दिली आहे. पण प्रश्न असा आहे की, जगातील सर्वात जास्त तेल उत्पादक देश असलेल्या रशियात पेट्रोल आणि डिझेलचा तुटवडा का आहे? युक्रेनची रणनीती यशस्वी होत आहे का? आणि त्याचा भारतावरही परिणाम होऊ शकतो का?
Comments are closed.