भारत आणि श्रीलंका (India vs Srilanka) यांच्यात गॉल येथील आंतरराष्ट्रीय स्टेडियमवर 15 ऑगस्ट (शनिवार) पासून दोन सामन्यांच्या कसोटी मालिकेतील पहिला सामना खेळवला जात आहे. पहिल्या दिवशी सामना ठरलेल्या वेळी सुरू झाला, पण दुसऱ्या दिवसाची वेळ बदलण्यात आली आहे. याशिवाय, दुसऱ्या दिवशी षटकांच्या संख्येतही वाढ होणार आहे.
रिपोर्टनुसार, दुसऱ्या दिवशी म्हणजेच 16 ऑगस्ट रविवार रोजी सामन्याची सुरुवात सकाळी 9 वाजून 45 मिनिटांनी होईल. विशेष म्हणजे, भारत आणि श्रीलंका यांची वेळ एकच आहे, त्यामुळे भारतातही दुसऱ्या दिवशीचा खेळ 9:45 वाजताच सुरू होईल.
वेळ बदलण्यासोबतच दुसऱ्या दिवशी षटकांच्या संख्येतही वाढ होण्याची शक्यता आहे. मिळालेल्या माहितीनुसार, दुसऱ्या दिवशी 98 षटके टाकली जाऊ शकतात. म्हणजे कसोटी सामन्यात एका दिवसात जास्तीत जास्त 90 षटकांचाच खेळ होतो, पण याद्वारे षटके वाढवली जाऊ शकतात.
महत्वाची बाब म्हणजे, पहिल्या दिवशी फक्त 73 षटकाचांच खेळ होऊ शकला होता. कदाचित हा कमी झालेला वेळ भरून काढण्यासाठीच दुसऱ्या दिवशी सामना लवकर सुरू होईल आणि जास्त षटके टाकली जातील.
सामन्याचा पहिला दिवस पूर्णपणे भारताच्या नावावर राहिला असून, संघाने 73 षटकांमध्ये 2 गडी बाद 288 धावा केल्या आहेत. देवदत्त पडिक्कल (Devdatta Padikal) 131 धावा काढून आणि ऋषभ पंत (Rishbh Pant) 27 धावा काढून नाबाद परतले.
केएल राहुल (KL Rahul) क्रॅम्पमुळे 77 धावांवर रिटायर्ड हर्ट झाला. टीम इंडियाने यशस्वी जयस्वाल आणि कर्णधार शुबमन गिल या 2 विकेट गमावल्या. जयस्वाल 5 चौकारांच्या मदतीने 32 धावा करून रनआउट झाला, तर गिल 2 चौकारांच्या मदतीने 16 धावा काढून प्रभात जयसूर्याचा शिकार ठरला.
श्रीलंकेतर्फे प्रभात जयसूर्याने एकमेव विकेट घेतली. आता दुसऱ्या दिवशी श्रीलंका कमबॅक करते का की भारताचं वर्चस्व कायम राहतं, याकडे मात्र क्रिकेट चाहत्यांच लक्ष असणार आहे.
Comments are closed.