आलं-लसूण पेस्ट जास्त दिवस टिकवायची आहे?

स्वयंपाकात आलं-लसूण पेस्ट हा एक अत्यंत महत्त्वाचा घटक आहे. भाजी असो किंवा कोणतीही विशेष डिश, आलं-लसूण पेस्टशिवाय तिला खरी चव येत नाही. पण अनेकदा घाईघाईत बनवलेली पेस्ट काही दिवसांतच काळी पडते किंवा त्याला दुर्गंधी येण्यास सुरूवात होते. अशावेळी काही खास किचन टिप्स वापरून योग्य पद्धतीने साठवल्यास आलं-लसूण पेस्ट 1 ते 2 महिने ताजी आणि हिरवीगार राहू शकते.

सोप्या ट्रिक्स

१) तेल आणि मीठ वापरा

आलं आणि लसूण बारीक करताना पाण्याचा एक थेंबही वापरू नये. पेस्ट वाटताना त्यात 1 ते 2 चमचे मोहरीचे किंवा रिफाइंड तेल आणि थोडे मीठ घालावे. मीठ आणि तेल नैसर्गिक प्रिझर्व्हेटिव्ह म्हणून काम करतात.

२) हळदीचा वापर

पेस्ट वाटताना त्यात अर्धा चमचा हळद घालावी. हळदीमुळे पेस्टचा रंग बदलत नाही आणि ती काळी पडत नाही.

३) काचेची बाटली

पेस्ट नेहमी स्वच्छ आणि कोरड्या काचेच्या हवाबंद बाटलीतच ठेवावी. प्लॅस्टिकच्या डब्यात ठेवल्यास त्याचा वास आणि चव खराब होऊ शकते.

4) आइस ट्रे युक्त्या

पेस्ट जास्त दिवस टिकवायची असल्यास, ती आईस क्युब ट्रेमध्ये भरून फ्रीझरमध्ये ठेवा. क्यूब्स घट्ट झाल्यावर ते एका झिपलॉक बॅगमध्ये काढून ठेवा. गरजेनुसार 1  क्यूब्स काढून थेट फोडणीत वापरता येतात.

काय खबरदारी घ्यावी?

पेस्ट वापरताना नेहमी कोरड्या चमचाचाच वापर करावा. ओला चमचा लागल्यास पेस्ट लवकर खराब होते. या सोप्या ट्रिक्स वापरून तुम्ही तुमचा स्वयंपाकाचा वेळ वाचवू शकता आणि दररोज ताजी चव मिळवू शकता.

हेही वाचा – गणेशोत्सवापूर्वी किचन करा स्मार्टली ऑर्गनाईज