शिवसेना (उद्धव बाळासाहेब ठाकरे) खासदार संजय राऊत यांनी सर्वोच्च न्यायालय आणि सरन्यायाधीश सूर्यकांत यांच्याबद्दल केलेल्या वक्तव्याबद्दल माफी मागितली आहे. संजय राऊत म्हणाले, “मी आयुष्यात कधीही न्यायालयाचा अपमान केला नाही. मी रागाच्या भरात काही शब्द इकडे तिकडे बोलले असतील; पण न्यायालयाचा अवमान करण्याचा माझा कोणताही हेतू नव्हता. मी सर्वोच्च न्यायालयाची दहा वेळा माफी मागतो.”
संजय राऊत पुढे म्हणाले की, आपल्या आजूबाजूला घडणाऱ्या घटनांमुळे मन अस्वस्थ होते आणि संताप निर्माण होतो. ही भावना केवळ आपली नाही, तर देशातील कोट्यवधी लोकांमध्येही असा संताप असल्याचा दावा त्यांनी केला. रागाच्या भरात काही शब्द बोलले असतील तर माफी मागतो, असे त्यांनी स्पष्ट केले.
सरन्यायाधीश सूर्यकांत यांनी विरोधी पक्षांच्या नेत्यांना भेटण्यास नकार दिल्यानंतर राऊत यांनी न्यायाधीशांच्या वर्तनावर प्रश्न उपस्थित केले होते. भाजपच्या राजकीय कार्यक्रमांना न्यायाधीश जातात आणि मुख्यमंत्री न्यायाधीशांसाठी भोजनाचे आयोजन करतात, असे विधान त्यांनी केले होते. या विधानांनंतर सर्वोच्च न्यायालयाने 15 ऑक्टोबर रोजी राऊत यांना त्यांच्या वर्तनाचे स्पष्टीकरण देण्यास सांगितले.
हेही वाचा-
मालेगावात एका 4 वर्षांच्या मुलीवर अत्याचार करणाऱ्या नराधमाला फाशीची शिक्षा सुनावण्यात आली.
Comments are closed.