बॉलिवूड अभिनेता टायगर श्रॉफ याच्या गाडीवर रविवारी मुंबईतील जुहू परिसरात अज्ञातांनी अचानक गोळीबार केल्याची धक्कादायक घटना घडली आहे. या भयंकर हल्ल्यातून टायगर श्रॉफ सुदैवाने थोडक्यात बचावला असून तो पूर्णपणे सुरक्षित असल्याची माहिती पोलिसांनी दिली आहे. मात्र या गोळीबारात अभिनेत्याचा चालक आणि तिथे उपस्थित असलेला आणखी एक स्थानिक नागरिक असे दोन जण जखमी झाले आहेत.
लॉरेन्स बिश्नोई गँगने हल्ल्याची जबाबदारी स्वीकारली
आज तकने दिलेल्या वृत्तानुसार, लॉरेन्स बिश्नोई गँगने सोशल मीडियावर या हल्ल्याची जबाबदारी स्वीकारली आहे. लॉरेन्स गँगचे सदस्य असलेले अनिल पंडित आणि हरमन संधू यांनी गोळीबाराची जबाबदारी स्वीकारली आहे. मात्र या पोस्टची सत्यता आणि त्यातील दाव्यांना अद्याप अधिकृतपणे दुजोरा मिळालेला नाही, असे वृत्तही आज तकने दिले आहे.
Comments are closed.