जसप्रीत बुमराहने रचला इतिहास! बॉक्सिंग डे कसोटीपूर्वी रविचंद्रन अश्विनच्या महान विक्रमाची बरोबरी झाली

जसप्रीत बुमराह रेकॉर्ड: भारत आणि ऑस्ट्रेलिया यांच्यातील बॉर्डर-गावस्कर ट्रॉफी 2024-25 चा चौथा कसोटी सामना गुरुवार, 26 डिसेंबरपासून मेलबर्न येथे खेळवला जाईल. या सामन्यापूर्वी टीम इंडियाचा घातक वेगवान गोलंदाज जसप्रीत बुमराहशी संबंधित एक आनंदाची बातमी समोर आली आहे. खरं तर, बॉक्सिंग डे कसोटीपूर्वी, बुमराहने आयपीएल कसोटी क्रमवारीत 904 रेटिंग गुण मिळवले आहेत आणि यासह तो अशी कामगिरी करणारा भारताचा पहिला वेगवान गोलंदाज ठरला आहे. एवढेच नाही तर त्याने अनुभवी फिरकी गोलंदाज रविचंद्रन अश्विनच्या महान विक्रमाची बरोबरी केली आहे.

आयसीसी कसोटी क्रमवारीत 900 किंवा त्याहून अधिक गुण मिळवणारा रविचंद्रन अश्विन हा भारताचा एकमेव खेळाडू होता. त्याच्या नावावर सर्वाधिक 904 रेटिंग गुण होते. मात्र, आता अश्विनसोबत जसप्रीत बुमराहनेही या खास यादीत आपले नाव समाविष्ट केले आहे. ऑस्ट्रेलियाविरुद्ध गाबा कसोटीत ९ विकेट्स घेत त्याने हे स्थान गाठून अश्विनच्या महान विक्रमाची बरोबरी केली आहे.