मणिपूरमध्ये भाजपला दिलेला पाठिंबा जेडीयूने काढला, पण कलटी मारण्याची चर्चा असतानाच नितीश कुमारां

नितीश कुमार आणि भाजप : मणिपूरमध्ये भाजप नेते बिरेंद्र सिंह यांच्या नेतृत्वात भाजपचं सरकार आहे. या भाजप सरकारला बिहारचे मुख्यमंत्री असलेल्या नितीश कुमार यांनी पाठिंबा दिली होता. मात्र, हा पाठिंबा काढून घेण्यात आला. जेडीयूने सरकारचा पाठिंबा काढून घेण्याबाबत राज्यपालांना पत्र लिहिलंय. मात्र, पाठिंबा काढून घेण्यात आल्यानंतर नितीश कुमारांच्या पक्षाने याबाबत स्पष्टीकरण दिलं आहे.  जेडीयूने पाठिंबा काढून घेण्याचा निर्णय चुकीचा असल्याचे सांगत मणिपूरमधील प्रदेशाध्यक्षांची हकालपट्टी केलीये.

#पाहा | दिल्ली: जेडी(यू) चे राष्ट्रीय प्रवक्ते राजीव रंजन प्रसाद म्हणतात, “हे दिशाभूल करणारे आणि निराधार आहे. पक्षाने याची दखल घेतली आहे आणि पक्षाच्या मणिपूर युनिटच्या अध्यक्षांना त्यांच्या पदावरून मुक्त करण्यात आले आहे. आम्ही एनडीएला पाठिंबा दिला आहे आणि आमचा पाठिंबा आहे. एनडीएला… https://t.co/PhAJwAp4xn pic.twitter.com/usvowgta3n

— ANI (@ANI) 22 जानेवारी 2025

मणिपूरमध्ये भाजप बळकट, जेडीयूच्या पाठिंब्याशिवायही स्थिर सरकार

जेडीयूच्या या निर्णयामुळे मणिपूरमधील भाजप सरकारला मोठा धक्का वगैरे बसणार नव्हता. मात्र, केंद्रात नरेंद्र मोदी यांचं सरकार नितीश कुमार आणि काही मित्र पक्षांच्या टेकू वर निर्भर असल्याने नितीश कुमारांच्या भूमिकेकडे देशाचं लक्ष आहे. सध्यातरी नितीश कुमार भाजपसोबत ठामपणे उभे असल्याचं चित्र आहे. त्यामुळे नितीश कुमार भाजपची साथ सोडणार या चर्चेला तुर्तास पूर्णविराम मिळालाय.

मणिपूर विधानसभेत भाजपकडे 32 जागा आहेत, ज्या बहुमतापेक्षा जास्त आहेत. जेडीयूचे 6 आमदार होते, त्यातील 5 पुढे भाजप सरकारमध्ये सहभागी आहेत. जवळपास दोन वर्षांपासून गोंधळात असलेल्या मणिपूरमध्ये भाजपला हा निर्णय मोठा धक्का मानला जात होता.  मणिपूर विधानसभेत भाजपकडे 32, एनपीएफकडे 5 आणि एनपीपीकडे 7 जागा आहेत. गेल्या विधानसभा निवडणुकीत जेडीयूला अनपेक्षितपणे 6 जागा मिळाल्या. काँग्रेसकडे 5 तर केपीएकडे 2 जागा आहेत. सध्या जेडीयूने पाठिंबा काढून घेतल्याने भाजप सरकारला कोणताही धोका नाही. पण या निर्णयाचे दूरगामी परिणाम होऊ शकतात, असे बोलले जात आहे.

नितीश कुमार पुढील काळात कोणती भूमिका घेणार हे पाहाणे महत्त्वपूर्ण

जेडीयूचे हे पाऊल महत्त्वपूर्ण मानले जात आहे. कारण नितीश कुमार यांचा इतिहास पाहिला तर त्यांनी अनेकदा वेगवेगळ्या भूमिका घेतल्या आहेत. नितीश कुमार यांनी पाठिंबा काढून घेतला असता तर बिहारसह देशाच्या राजकारणात खळबळ उडाली असती. कारण काँग्रेससह विरोधी पक्षाचे अनेक नेते नितीश कुमार आणि तेलगू देसमच्या चंद्राबाबूंना भाजपपासून दूर खेचू इच्छितात हे सर्वश्रूत आहे. आगामी काळात नितीशकुमार आणि भाजपचे संबंध कसे असतील हे पाहाणे महत्त्वपूर्ण ठरणार आहे.

इतर महत्त्वाच्या बातम्या

Jalgaon Train Accident : दैव बलवत्तर म्हणून देहाचे तुकडे होता होता राहिले, अफवेला बळी पडून रेल्वेतून उडी घेणाऱ्या प्रवाशाने सांगितलं नेमकं काय घडलं?

अधिक पाहा..