लखनौ-मुंबई पुष्पक एक्स्प्रेसमध्ये आग लागल्याच्या अफवेमुळे प्रवाशांनी रेल्वे रुळावर उड्या मारल्या. त्याचवेळी विरुद्ध दिशेने बंगळुरूहून येणाऱ्या भरधाव कर्नाटक एक्स्प्रेसने 13 प्रवाशांना चिरडल्याची हृदयद्रावक घटना बुधवारी जळगावमध्ये घडली.आता या प्रकरणात एक नवीन अपडेट समोर आली आहे.अपघाताच्या वेळी ट्रेनमध्ये उपस्थित असलेल्या एका प्रवाशाने ट्रेनमध्ये आग लागल्याची अफवा एका चहा विक्रेत्याने पसरवल्याचे सांगितले आहे.
अपघाताच्या वेळी एका प्रत्यक्षदर्शीने सांगितले की, एका चहा विक्रेत्याने ट्रेनला आग लागल्याची अफवा पसरवली. त्यानंतर ट्रेनमध्ये एकच गोंधळ पसरला. त्या चहा विक्रेत्याने साखळी ओढल्याने ट्रेनचा वेग कमी झाला तेव्हा प्रवाशांनी जीव वाचवण्यासाठी ट्रेनमधून उड्या मारायला सुरुवात केली. पुढे सांगितले की, बंगळुरू एक्सप्रेस ज्या ट्रॅकवरून जात होती त्याचवेळी लोकांनी उड्या घेतल्याने ते चिरडले गेले. शेकडो लोकांनी दुसऱ्या बाजूला उड्या घेतल्या, जिथे ट्रॅक नव्हता. त्यांनीही या बाजूला उडी मारली असती तर आणखी लोकांचा जीव गेला असता.
पुष्पक एक्सप्रेस पूर्ण वेगाने लखनौहून मुंबईला निघाली होती. बुधवारी दुपारी 4.42 च्या सुमारास जेव्हा ट्रेन मुंबईपासून 425 किमी अंतरावर असलेल्या जळगावमधील पाचोरा स्टेशनजवळ पोहोचली तेव्हा आग लागल्याच्या अफवेने मोठ्या प्रमाणात दुर्घटना घडली. या घटनेनंतर आता अपघातातील प्रत्यक्षदर्शींनी आणि मृतांच्या नातेवाईकांनी त्या घटनेचे वर्णन केले आहे.
Comments are closed.