‘बूट काय, बुटाखालील माती पण खाईल’, राष्ट्रवादीच्या माजी आमदाराच्या मुलाची बड्या नेत्यावर शेलक्

<पी शैली ="मजकूर-संरेखित: न्याय्य;">मोहोळ: राज्यात पार पडलेल्या विधानसभा निवडणुकीच्या तोंडावर केलेल्या टीकेनंतर पक्षापासून दुरावलेल्या उमेश पाटील यांनी पुन्हा एकदा राष्ट्रवादी काँग्रेसचे अध्यक्ष आणि उपमुख्यमंत्री अजित पवार यांच्या उपस्थितीत पक्षात प्रवेश केला आहे. मात्र, ज्या कारणामुळे उमेश पाटील हे पक्षापासून लांब गेले होते, ते मोहाळाचे माजी आमदार राजन पाटील आजही राष्ट्रवादी काँग्रेस आणि उपमुख्यमंत्री अजितदादांसोबत कायम आहेत, त्यामुळे उमेश पाटील यांनी राजन पाटलांच्या उमेदवाराचा पराभव केला आहे, त्यामुळे स्थानिक संघर्ष पुन्हा एकदा उफाळून आल्याचं चित्र दिसून येत आहे. राजन पाटलांचे पुत्र अजिंक्यराणा पाटील यांनी उमेश पाटलांवर खालच्या भाषेत टीका केली आहे. 

नेमकं काय म्हणालेत अजिंक्यराणा पाटील?

“कुत्रं परत येतंय म्हणून अजितदादांनी यांना परत गाडीखाली (पक्षात) घेतलं. त्यांना कोणीही कोणत्याही पक्षात घेतलं नाही, म्हणून हे राष्ट्रवादीत परत आले आहेत” अशी टीका अजिंक्यराणा पाटील यांनी केली आहे. अजिंक्यराणा पाटील हे अहमदनगरचे माजी सरपंच आहेत. माजी आमदार राजन पाटील विरुद्ध उमेश पाटील गटातील संघर्ष सुरूच असल्याचं चित्र आहे. अजिंक्यराणा पाटील हे राजन पाटलांचे पुत्र आहेत. उमेश पाटलांचे नाव न घेता अजिंक्यराणा पाटील यांनी खालच्या भाषेत टीका केली आहे. राष्ट्रवादीचे प्रदेश प्रवक्ते उमेश पाटील यांच्या घरवापसीनंतर पक्षांतर्गत धुसफूस कायम असल्याचं दिसून येत आहे.

“कुत्रं परत येतंय म्हणून अजितदादांनी यांना परत गाडीखाली (पक्षात) घेतले. त्यांना कोणीही कोणत्याही पक्षात घेतले नाही म्हणून हे राष्ट्रवादी काँग्रेसमध्ये परत आले. बूट चाटून कधी राजकारण करू नये असे म्हणतात, पण ती व्यक्ती बूट काय, बुटाखालील माती पण खाईल” अशा शब्दात अजिंक्यराणा पाटील यांनी नाव न घेता टीका केली आहे. 

विधानसभेपूर्वी अजितदादांनी उमेश पाटलांना बैलगाडीखालील कुत्रं म्हणत….

माजी आमदार राजन पाटील यांचे पुत्र अजिंक्यराणा पाटील यांनी आता उमेश पाटलांवर हल्लाबोल केला आहे. मात्र, विधानसभा निवडणुकीपूर्वी अजित पवारांनी उमेश पाटलांना बैलगाडी खालील कुत्रं अशी उपमा दिली होती. त्यानंतर उमेश पाटलांनी शरद पवार गटाचे उमेदवार राजू खरे यांचा प्रचार केला होता. काही दिवसापूर्वी उमेश पाटील हे राष्ट्रवादी अजित पवार गटात परतले. मोहोळचे माजी आमदार राजन पाटील आणि उमेश पाटील यांच्यात स्थानिक पातळीवर संघर्ष सुरू आहे. आता दोन्ही नेते पुन्हा एकाच पक्षात असल्याने पुन्हा पक्षश्रेष्ठींची डोकेदुखी वाढण्याची शक्यता आहे.