पाकिस्तान क्रिकेट बोर्डाने पाकिस्तान सुपर लीगचे वेळापत्रक जाहीर केले आहे. ही स्पर्धा 11 एप्रिलपासून सुरू होत आहे. पाकिस्तान सुपर लीगचा अंतिम सामना 18 मे रोजी खेळला जाईल. तर आयपीएल 22 मार्चपासून सुरू होत आहे. या स्पर्धेचा अंतिम सामना 25 मे रोजी खेळला जाईल. पाकिस्तान सुपर लीगच्या पहिल्या सामन्यात लाहोर कलंदर्सचा सामना गतविजेत्या इस्लामाबाद युनायटेडशी होईल. दोन्ही संघ रावळपिंडी क्रिकेट स्टेडियमवर एकमेकांसमोर येतील. या हंगामात पाकिस्तान सुपर लीगमध्ये एकूण 30 सामने खेळले जातील.
या हंगामात पीएसएल क्वालिफायर, एलिमिनेटर-1 आणि एलिमिनेटर-2 अनुक्रमे 13 मे, 14 मे आणि 16 मे रोजी खेळवले जातील. त्यापूर्वी, ग्रुप स्टेजमध्ये एकूण 30 सामने होतील. अंतिम सामना 18 मे रोजी लाहोरच्या गद्दाफी स्टेडियमवर खेळला जाईल. याशिवाय, रावळपिंडी क्रिकेट स्टेडियममध्ये 11 सामने खेळवले जातील. तर लाहोरच्या गद्दाफी स्टेडियममध्ये 13 सामने होतील. रावळपिंडी आणि लाहोर व्यतिरिक्त, कराची आणि मुल्तानमध्ये 5-5 सामने खेळवले जातील. त्याच वेळी, आयपीएलचा 18 वा हंगाम भारतात खेळला जाईल. आयपीएल 22 मार्चपासून सुरू होत आहे. या स्पर्धेचा अंतिम सामना 25 मे रोजी खेळला जाईल.
पाकिस्तान सुपर लीगचे मुख्य कार्यकारी अधिकारी सलमान नसीर म्हणाले की, पाकिस्तान सुपर लीगच्या 10 व्या हंगामाचे वेळापत्रक जाहीर करताना आम्हाला खूप आनंद होत आहे. गेल्या 10 वर्षात पाकिस्तान सुपर लीगने जागतिक स्तरावर आपली ओळख निर्माण केली आहे. या स्पर्धेने पाकिस्तानच्या अनेक प्रतिभावान खेळाडूंना व्यासपीठ दिले आहे. सलमान नसीर पुढे म्हणाले की, या हंगामात चाहत्यांना केवळ मोठे आंतरराष्ट्रीय खेळाडूच दिसणार नाहीत तर कराची, मुलतान, लाहोर आणि रावळपिंडी येथे एकूण 34 उत्तम सामने पाहायला मिळतील
महत्वाच्या बातम्या:
चॅम्पियन्स ट्रॉफी संपल्यावर रिटायरमेंट घेऊ शकणारे 5 क्रिकेटर्स
सचिनचा विक्रम मोडण्याच्या मार्गावर विराट, नवा इतिहास रचण्याची संधी!
आयसीसी स्पर्धांमध्ये न्यूझीलंड भारतासाठी ‘कठीण प्रतिस्पर्धी’, आकडेवारी काय सांगते?
आमचे अनुसरण करा
Comments are closed.