(IND vs AUS Semi Final 2025) भारत विरुद्ध ऑस्ट्रेलिया यांच्यात पुन्हा एकदा एक उत्तम सामना रंगणार आहे. चॅम्पियन्स ट्रॉफी 2025चा पहिला उपांत्य सामना मंगळवारी दुबई येथे होणार आहे. स्पर्धेत टीम इंडियाने तीन गट सामने खेळले ज्यात संघाने सर्व जिंकले. आता संघ ऑस्ट्रेलियाविरुद्ध मैदानात उतरेल. जर उपांत्य फेरीचा सामना बरोबरीत सुटला तर अंतिम फेरीत कोणाला स्थान मिळेल? या प्रश्नाचे उत्तर आयसीसीच्या नियमांमध्ये लपलेले आहे. आयसीसीने उपांत्य फेरीबाबत अनेक नियम बनवले आहे. (Champions Trophy 2025 Semi Final Rules)
एकदिवसीय विश्वचषका 2023च्या अंतिम सामन्यात ऑस्ट्रेलियाने भारताचा पराभव केला. आता टीम इंडियाकडे त्या पराभवाचा बदला घेण्याची संधी आहे. रोहित शर्माच्या नेतृत्वाखालील टीम इंडिया फॉर्ममध्ये आहे. त्यामुळे संघ ऑस्ट्रेलियासाठी एक ओझे ठरू शकते. जर आपण उपांत्य फेरीच्या नियमांबद्दल बोललो तर, पावसाच्या बाबतीत सामना राखीव दिवशी खेळवता येतो. चॅम्पियन्स ट्रॉफी 2025 च्या दोन्ही उपांत्य सामन्यांसाठी राखीव दिवस ठेवण्यात आला आहे.
जर चॅम्पियन्स ट्रॉफीतील उपांत्य सामना अनिर्णीत राहिला, तर त्याचा निकाल सुपर ओव्हरमध्ये लावला जाईल. भारत आणि ऑस्ट्रेलियामधील सामना बरोबरीत राहिल्यास, दोन्ही संघांना प्रत्येकी एक चेंडू टाकण्याची संधी मिळेल. यावेळी, ज्यांनी सर्वाधिक धावा जमवल्या, तो संघ थेट अंतिम फेरीत मजल मारेल. मात्र, जर सुपर ओव्हरही खेळवता आली नाही, तर गुणतालिकेतील अव्वल संघाला थेट अंतिम सामन्यात प्रवेश दिला जाईल. (Champions Trophy 2025 Super Over Rules)
आयसीसीच्या नियमानुसार, चॅम्पियन्स ट्रॉफीच्या उपांत्य फेरीत गट अ मधील अव्वल संघाचा सामना गट ब मधील दुसऱ्या क्रमांकाच्या संघाशी होणार, तर गट ब मधील अव्वल संघ गट अ मधील दुसऱ्या क्रमांकाच्या संघाशी भिडणार. याच नियमानुसार, 2025 च्या चॅम्पियन्स ट्रॉफीचे उपांत्य फेरीचे वेळापत्रक निश्चित झाले. (Champions Trophy 2025 semifinalist)
भारतीय संघाने गट अ मध्ये वर्चस्व राखत पहिला क्रमांक मिळवला, तर ऑस्ट्रेलियाला गट ब मध्ये दुसऱ्या स्थानावर समाधान मानावे लागले. परिणामी, पहिल्या उपांत्य सामन्यात भारत आणि ऑस्ट्रेलिया आमनेसामने भिडणार आहेत. दुसऱ्या उपांत्य सामन्यात गट ब मधील अव्वल संघ दक्षिण आफ्रिका आणि गट अ मधील दुसऱ्या क्रमांकावर असलेला न्यूझीलंड संघ परस्परांसमोर उभे ठाकतील.
हेही वाचा-
ऑस्ट्रेलियाविरुद्धच्या सामन्यापूर्वी दुबईच्या खेळपट्टीत मोठा बदल, टीम इंडियाच्या अडचणी वाढल्या?
IND vs AUS: कोणता संघ प्रबळ? सामन्यापूर्वी सुनील गावस्करांनी केली मोठी भविष्यवाणी!
उपांत्य फेरीसाठी भारतीय संघात मोठा फेरबदल! सामन्यापूर्वी रोहित शर्माचा मोठा खुलासा!
आमचे अनुसरण करा
Comments are closed.