बॉलिवूड अभिनेता जॉन अब्राहमने (John Abraham) सध्या त्याच्या द डिप्लोमॅट या चित्रपटामुळे चर्चेत आहे. नुकतेच त्याने माध्यमांना मुलाखत दिली आहे. त्यात त्याने त्याचा मित्र अक्षय कुमारसोबत पुन्हा एकदा कॉमेडी चित्रपटात काम करायचे आहे. या दोन्ही कलाकारांनी यापूर्वी ‘गरम मसाला’, ‘देसी बॉईज’ आणि ‘हाऊसफुल २’ सारख्या विनोदी चित्रपटांमध्ये एकत्र काम केले आहे. सर्व चित्रपटांना प्रेक्षकांनीही दाद दिली आहे.
जॉन अब्राहम म्हणाला की, ‘मला काहीतरी मजेदार करायचे आहे. मला प्रेक्षकांना हसवायचे आहे, मला त्यांचे पूर्णपणे मनोरंजन करायचे आहे. ‘गरम मसाला’ चित्रपटाप्रमाणेच हा विनोदी चित्रपट माझ्यासाठी खूप खास होता. म्हणूनच मी एका विशिष्ट स्क्रिप्टच्या शोधात आहे ज्यावर काम करणे मजेदार असेल. मी अक्षय कुमारशीही चर्चा करत आहे. आम्हाला बऱ्याच काळापासून पुन्हा एकत्र काम करायचे होते. आम्ही एकमेकांपासून खूप प्रेरित आहोत. मी लवकरच अक्षय कुमारसोबत पुन्हा चित्रपट करण्यासाठी निमित्त शोधत आहे.
जॉन अब्राहम पुढे म्हणतो, ‘मी ‘द डिप्लोमॅट’ चित्रपटाचे दिग्दर्शक शिवम नायर यांना एक विनोदी चित्रपट लिहिण्यास सांगितले आहे. तो खूपच मजेदार माणूस आहे. मी शिवमला असा चित्रपट बनवायला सांगितले आहे की प्रेक्षक हसून हसून जमिनीवर लोळायला लागतील.
जॉन अब्राहमचा नुकताच प्रदर्शित झालेला ‘डिप्लोमॅट’ हा चित्रपट प्रेक्षकांना खूप आवडला आहे. या चित्रपटात त्यांनी राजनयिक जेपी सिंगची भूमिका साकारली होती. या चित्रपटाची कथा पाकिस्तानातून एका भारतीय महिलेला बाहेर काढण्याबद्दल आणि वाचवण्याबद्दल आहे.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
अदिती पोहनकरने सांगितला बालपणीचा त्रासदायक अनुभवव; एका मुलाने ट्रेन मध्ये तिची…
ह्रितिकचा क्रिश ४ पुन्हा एका लांबणीवर; ७०० कोटींच्या बजेटच्या शोधात राकेश रोशन यांची वणवण…
Comments are closed.