आयपीएलच्या 18 व्या आवृत्तीला सुरुवात होण्यासाठी आता 5 दिवस शिल्लक आहेत. कोलकाता नाईट रायडर्स आणि रॉयल चॅलेंजर्स बंगळुरू (KKR vs RCB) यांच्यातील पहिला सामना (22 मार्च) रोजी खेळला जाईल. कोलकात्याला रवाना होण्यापूर्वी आरसीबी सोमवारी एम चिन्नास्वामी स्टेडियमवर अनबॉक्स कार्यक्रम आयोजित करणार आहे. या कार्यक्रमात अनेक कलाकार सादरीकरण करतील. आरसीबी त्यांच्या जर्सीचे अधिकृतपणे अनावरण करेल. आरसीबी महिला संघाच्या अनेक खेळाडू देखील या कार्यक्रमात सहभागी होतील.विराट कोहली शनिवारपासून संघात सामील झाला आहे.
यावेळी आरसीबी संघाची धुरा 31 वर्षीय रजत पाटीदारकडे आहे. ज्याला संघाने कोहली आणि यश दयालसह कायम ठेवले आहे. आज चिन्नास्वामी स्टेडियममध्ये खचाखच भरलेल्या स्टेडियममध्ये आरसीबी खेळाडूंचे स्वागत केले जाईल. अनेक संगीतमय कार्यक्रम होतील.तुम्ही आरसीबीच्या अधिकृत वेबसाइटवरून आरसीबी अनबॉक्स इव्हेंट 2025 साठी तिकिटे खरेदी करू शकता. वेबसाइटला भेट दिल्यानंतर तुम्हाला बाय तिकिट्स वर क्लिक करावे लागेल. तुम्हाला एम चिन्नास्वामी स्टेडियम आणि आरसीबी अनबॉक्स इव्हेंटमधील सामन्यांसाठी तिकिटे मिळतील. या कार्यक्रमाची तिकिटे 800 ते 5000 पर्यंत आहेत.
आरसीबी अनबॉक्स इव्हेंट (17 मार्च) रोजी एम चिन्नास्वामी स्टेडियमवर होणार आहे. हा कार्यक्रम दुपारी 3.30 वाजता सुरू होईल.आरसीबी अनबॉक्स कार्यक्रमाचे लाईव्ह स्ट्रीमिंग आरसीबी वेबसाइट वरती असेल. यासाठी तुम्हाला 99 रुपये खर्च करावे लागतील.
आरसीबीच्या अनबॉक्स कार्यक्रमात हनुमानकिंड, टिमी ट्रम्पेट, संजीत हेगडे हे सादरीकरण करतील. टिमी ट्रम्पेट हा एक ऑस्ट्रेलियन डीजे आणि संगीत निर्माता आहे. सावरी बँड देखील यामध्ये सादरीकरण करेल.
Comments are closed.