उद्यापासून तीन दिवस महिला वाद्य महोत्सव

राज्य शासनाच्या सांस्कृतिक कार्य विभाग, सांस्कृतिक कार्य संचालनालय यांच्या वतीने महिला वाद्य महोत्सव 20 ते 22 मार्च या दरम्यान सायंकाळी 6.30 वाजता लोकशाहीर अण्णाभाऊ साठे सभागृह, भायखळा येथे आयोजित केला आहे. या महोत्सवात तालवाद्यांची मैफल, जुगलबंदी, भक्तिसंगीतातील वाद्य वादन तसेच पारंपरिक व पाश्चात्य लोकसंगीताची मैफल होईल.

20 मार्च रोजी ‘तालसखी – तालवाद्यांची मैफल’ होईल. याअंतर्गत पंडित रवी चारी- सितार सिम्फनीमध्ये महिलांच्या सतारवादनाचा आनंद घेता येईल. यामध्ये कविता लोटलीकर- खुशी चौगुले आणि 25 महिला सतार वादक साथसंगत करतील. तालवाद्य जुगलबंदीमध्ये मुक्ता रास्ते (तबला), प्रेषिता मोरे (ढोलकी ढोलक), हमता बाघी (डफ), सुप्रिया मोडक (हार्मोनियम), उमा देवराज (कीबोर्ड), किरण बिश्त (बासरी) यांच्या जुगलबंदीचा आनंद घेता येईल. 21 मार्च रोजी ‘स्वरायणी – भक्तिसंगीतातील साज’ याअंतर्गत भक्तिसंगीतातील पारंपरिक वाद्य वादन सादर होईल. कौशिकी जोगळेकर (संवादिनी), स्वप्नगंगा करमरकर (तबला), श्रुतिका मोरे (तबला), देवयानी मोहोळ (पखवाज), शलाका मोरे (व्हायोलीन), वरदा खाडिलकर (संतूर), वेदश्री रावडे (तालवाद्ये) या कार्यक्रमाचे सादरकर्ते आहेत. ‘अभंग नवा’ हा  कार्यक्रम अनुभवता येईल. श्रुती भावे (व्हायोलीन),  दर्शना जोग (गिटार), कल्याणी देशपांडे (सतार), राधिका अंतुरकर (इलेक्ट्रिक गिटार), स्वप्नगंगा करमरकर (कोहन बॉक्स), श्रुतिका मोरे (पखवाज), नयनतारा (हार्प), काwशिकी जोगळेकर (की बोर्ड), वेदश्री रावडे (तालवाद्ये), सुखदा भावे-दाबके (हार्मोनियम), सुचिस्मिता चॅटर्जी (बासरी), प्रिया वझे (ऑक्टोपॅड), वरदा खाडिलकर (संतूर) या कार्यक्रमाच्या सादरकर्त्या आहेत. 22 मार्च रोजी  लोकस्वरा ही लोकसंगीत मैफल सादर होईल. याअंतर्गत  मर्लिन डिसुझा आणि ग्रुपचा ‘इंडिवा’ कार्यक्रम सादर होईल. त्यानंतर  ‘लोकपरंपरा’ कार्यक्रमामध्ये मोहिनी भुसे (संबळ), देवयानी मोहोळ (ढोलकी, दिमडी), श्रुतिका मोरे (धनगरी ढोल, पखवाज), कस्तुरी कुलकर्णी (बासरी) सहभागी होतील. त्यानंतर पवन तटकरे आणि ग्रुपचे लोकनृत्य तर वंदना पांचाळ, ग्रुपचे लावणीनृत्य होईल.  या वेळी सांस्कृतिक कार्य मंत्री अॅड. आशीष शेलार, अपर मुख्य सचिव विकास खरगे, संचालक बिभीषण चवरे उपस्थित राहतील.