वैभव सूर्यवंशीने उलगडले यशाचे रहस्य, पाहा कोणाला दिले विक्रमी खेळीचे श्रेय!

आयपीएल 2025चा 48वा सामना राजस्थान रॉयल्स आणि गुजरात टायटन्स यांच्यात खेळला गेला. या सामन्यात गुजरात टायटन्सला पराभवाला सामोरे जावे लागले. संघाच्या पराभवाचा मुख्य कारण वैभव सूर्यवंशी होता, ज्याने अतिशय स्फोटक खेळी केली. वैभव सूर्यवंशीने जबरदस्त शतकी खेळी खेळली. संघाला एकतर्फी विजय मिळवून दिला. या खेळीनंतर वैभव सूर्यवंशीने एक मोठे विधान केले आहे.

वैभव सूर्यवंशी आता आयपीएलच्या इतिहासात शतक करणारा दुसरा सर्वात जलद फलंदाज बनला आहे. या प्रकरणात विक्रम ख्रिस गेलच्या नावावर आहे. ज्याने फक्त 30 चेंडूत शतक केले परंतु वैभव सूर्यवंशीने 35 चेंडूत शतक केले आहे. याशिवाय, वैभव आता आयपीएलमध्ये शतक करणारा सर्वात जलद भारतीय फलंदाज बनला आहे. त्याने 37 चेंडूत शतक ठोकणाऱ्या युसूफ पठाणचा विक्रम मोडला.

वैभव सूर्यवंशीला त्याच्या स्फोटक खेळीसाठी सामनावीर म्हणून निवडण्यात आले. सामन्यानंतर झालेल्या संभाषणादरम्यान तो म्हणाला, मी गोलंदाज कोण आहे त्याचे नाव काय हे पाहत नाही, मी फक्त चेंडू आणि खेळ पाहतो. आयपीएलच्या तिसऱ्या डावातचं शतक केल्याने मला आनंद होत आहे.

वैभव सूर्यवंशीने आता जागतिक क्रिकेटमधील सर्वात कमी वयात शतक ठोकण्याचा विक्रम केला आहे. त्याने पाकिस्तानच्या झहूर इलाहीचा विक्रम मोडला ज्याने 1986 मध्ये 15 वर्षे 209 दिवसांच्या वयात प्रथम श्रेणी सामन्यात शतक ठोकले होते. तथापि, वैभवने फक्त 14 वर्षांच्या वयात शतक ठोकले आहे.

सामन्याबद्दल बोलायचे झाले तर, प्रथम खेळताना गुजरात संघाने निर्धारित 20 षटकांत 209/4 धावा केल्या, तर प्रत्युत्तरात, राजस्थान संघाने 15.5 षटकांत फक्त दोन गडी गमावून लक्ष्य गाठले. गुजरात टायटन्सचा हा 9 सामन्यांतील तिसरा पराभव आहे. संघ अजूनही पाँइंट टेबलमध्ये तिसऱ्या स्थानावर आहे.