बॉलिवूडमधील सर्वात लोकप्रिय कॉमेडी फ्रँचायझी ‘हाऊसफुल’ त्याच्या पाचव्या भागासह पुनरागमन करण्यास सज्ज आहे. ‘हाऊसफुल ५‘ (Housefull 5) चा टीझर आज म्हणजेच ३० एप्रिल २०२५ रोजी प्रदर्शित झाला आहे. यावेळी, अक्षय कुमार आणि रितेश देशमुखसह १८ दमदार कलाकारांचा समूह चित्रपटात दिसणार आहे. खास गोष्ट म्हणजे या चित्रपटात केवळ मजा आणि हास्यच नाही तर एका खुनाच्या गूढतेचा थरारही असेल.
‘हाऊसफुल ५’ चा टीझर पाहिल्यानंतर, लोक सोशल मीडियावर त्याला ब्लॉकबस्टर म्हणत आहेत. टीझरमध्ये अक्षय कुमार, अभिषेक बच्चन आणि रितेश देशमुख त्यांच्या परिचित विनोदी शैलीत दिसत आहेत. याशिवाय संजय दत्त, फरदीन खान, नाना पाटेकर, जॅकी श्रॉफ, डिनो मोरिया, चंकी पांडे, जॉनी लिव्हर, श्रेयस तळपदे, निकितिन धीर, रणजीत, आकाशदीप साबीर, जॅकलीन फर्नांडीज, नर्गिस फाखरी, चित्रांगदा सिंह आणि एस. शर्मा यांच्यासारख्या 18 स्टार्सनी त्यांची भूमिका साकारली आहे. टीझरमध्ये, सर्व स्टार्स एका आलिशान क्रूझ जहाजावर दिसत आहेत, जिथे हास्य आणि मजेत एका हत्येचे गूढ उलगडले जाईल. कॉमेडी आणि सस्पेन्सचे हे मिश्रण चाहत्यांना एक नवीन अनुभव देईल.
‘हाऊसफुल ५’ ची कथा एका क्रूझ जहाजावर आधारित आहे, जिथे हत्येचे रहस्य देखील प्रेक्षकांना खिळवून ठेवेल. टीझरवरून असे दिसून येते की क्रूझवरील प्रत्येक पात्र हत्येतील संशयित असू शकतो. मीडिया रिपोर्ट्सनुसार, संजय दत्त आणि जॅकी श्रॉफ हे पोलिस अधिकाऱ्यांच्या भूमिकेत दिसू शकतात जे हे रहस्य उलगडण्याचा प्रयत्न करतील.
‘हाऊसफुल ५’ ची निर्मिती साजिद नाडियाडवाला यांनी त्यांच्या निर्मिती कंपनी नाडियाडवाला ग्रँडसन एंटरटेनमेंटच्या बॅनरखाली केली आहे. साजिद सुरुवातीपासूनच या फ्रँचायझीशी जोडलेला आहे आणि प्रत्येक वेळी प्रेक्षकांसाठी काहीतरी नवीन घेऊन आला आहे. यावेळी त्यांची पत्नी वर्धा नाडियाडवाला देखील त्यांना निर्मितीमध्ये साथ देत आहेत. ‘दोस्ताना’ साठी प्रसिद्ध असलेले तरुण मनसुखानी हे या चित्रपटाचे दिग्दर्शन करत आहेत. हा चित्रपट ६ जून रोजी थिएटरमध्ये दाखल होईल.
कामाच्या बाबतीत बोलायचे झाले तर, अक्षय कुमार अलीकडेच ‘केसरी चॅप्टर २’ या चित्रपटात दिसला. या चित्रपटात त्याच्यासोबत अनन्या पांडे आणि आर माधवन देखील आहेत. सोशल मीडियावर चाहत्यांनी या चित्रपटाचे खूप कौतुक केले आहे. हा चित्रपट बॉक्स ऑफिसवर १०० कोटी रुपयांच्या कमाईपासून अजूनही खूप दूर आहे.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
दक्षिण भारतीय चाहत्याचे वेड, समंथाच्या वाढदिवशी तिच्यासाठी बांधले मंदिर
‘केजीएफ’मध्ये फ्लावरपॉट म्हटल्यावर श्रीनिधीने दिली प्रतिक्रिया; म्हणाली, ‘चित्रपटाने मला ओळख दिली..’
Comments are closed.