पुण्यात नाईट ड्युटीवर जाणाऱ्या महिलेवर अतिप्रसंग, तोंड दाबून निर्जनस्थळी नेत अत्याचार, बचावासाठ

पिंपरी: पिंपरी परिसरात एक संतापजनक घटना समोर आली आहे. चाकण एमआयडीसी कंपनीत कामावर निघालेल्या महिलेला तोंड दाबून निर्जनस्थळी ओढत नेऊन, तिच्यावर बलात्कार केल्याची घटना मंगळवारी (13 मे) ला रात्री 11 वाजण्याच्या सुमारास चाकण परिसरातील मेदनकरवाडी येथे घडली होती. याप्रकरणी पोलिसांनी रात्री आरोपीला ताब्यात घेतल्याची माहिती दिली. पोलिसांनी दिलेल्या माहितीनुसार, पीडित महिला रात्रपाळीत कामासाठी कंपनीत निघाली होती. या वेळी आरोपीने तिचा पाठलाग करून खंडोबा मंदिराजवळ तिचा रस्ता अडवला. त्यानंतर जबरदस्तीने तिला ओढत नेत निर्जनस्थळी नेलं आणि तिच्यावर बलात्कार केला. या घटनेने परिसरात खळबळ उडाली. या घटनेमुळे पुन्हा एकदा महिलांच्या सुरक्षेचा प्रश्न ऐरणीवर आला आहे. आरोपी महिलेला तोंड दाबून निर्जनस्थळी नेत असताना तिने आरडाओरडा करण्याचा प्रयत्न केला. आरोपीचा चावाही घेतला.

बलात्कार करून, मारहाण अन् धमकी

मिळालेल्या माहितीनुसार, चाकण एमआयडीसी कंपनीत कामावर निघालेल्या महिलेला ओढून नेत, बलात्कार करण्यात आल्याची घटना समोर आली. 13 मेच्या रात्री 11 च्या सुमारास ही धक्कादायक घटना घडली. या प्रकरणी नराधम प्रकाश भांगरेला पोलिसांनी चोवीस तासांत बेड्या ठोकल्या आहेत. 27 वर्षीय महिला रात्रपाळीच्या कामासाठी निघाली होती. एका कंपनीत ही पीडित महिला हेल्पर म्हणून काम करायची. मेदनकरवाडी येथील या कंपनीच्या अगदी जवळ ती पोहचली. त्याचवेळी नराधमाने तिला जबरदस्तीने शाळेच्या मागील बाजूस नेले. तेथे तिच्यावर जबरदस्तीने बलात्कार करून, मारहाण केली आणि कोणाला काही सांगितल्यास जीवे ठार मारण्याची धमकी दिली.

प्रतिकार केला, आरोपीला चावा देखील घेतला

महिलेने जोरदार प्रतिकार केला, आरोपीला चावा देखील घेतला. त्यानंतर आरोपी तिथून पसार झाला. मग तिथूनच निघालेल्या महिला कामगार आणि पुरुषाच्या मदतीने पीडिताने चाकण पोलिसांना याबाबत कळवलं. महिलेवर सध्या वायसीएम रुग्णालयात उपचार सुरू असून नराधम प्रकाश भांगरेला बेड्या ठोकण्यात आल्या आहेत. सीसीटीव्हीच्या आधारे त्याचा शोध घेण्यात आणि पकडण्यात चाकण पोलिसांना यश आलं. तो सध्या मेदनकरवाडीमध्ये राहायला आहे, मात्र तो मूळचा अहमदनगर जिल्ह्यातील अकोले गावचा असल्याची माहिती पोलिसांनी दिली. त्याने याआधी असे काही कृत्य केलंय का? याचा तपास ही केला जात आहे.

संबंधित घटनेची माहिती मिळताच पोलीस उपायुक्त शिवाजी पवार, गुन्हे शाखेची पथके आणि स्थानिक पोलीस घटनास्थळी दाखल झाले. श्वानपथक आणि फॉरेन्सिक पथकांची मदत घेतली. पोलिसांकडून परिसरातील सीसीटीव्ही तपासण्यात आली आहे. आरोपीला ताब्यात घेण्यात आलं असून, चाकण पोलीस ठाण्याचे वरिष्ठ पोलीस निरीक्षक प्रमोद वाघ पुढील तपास करत आहेत. ‘आरोपीला ताब्यात घेण्यात आले असून, चौकशी सुरू आहे,’ असे परिमंडळ तीनचे पोलीस उपायुक्त डॉ. शिवाजी पवार यांनी सांगितले.

तर घटना टळली असती

पीडितेवर अत्याचार होत असतानाच काही अंतरावर एक व्यक्ती शतपावली करत होता. पीडितेने त्याला पाहिल्यानंतर मदतीसाठी  आरडाओरडा केला. मात्र, पीडितेचा आवाज त्याच्यापर्यंत पोहोचला नाही. त्यामुळे तिला मदत मिळाली नाही. त्यामुळे पीडितेला कोणाची मदत मिळून शकली नाही.

अधिक पाहा..