IND vs ENG: ओव्हलवर आकाश दीपची टीम इंडियासाठी शानदार कामगिरी, कसोटीत पहिल्यांदाच केली ‘ही’ कामगिरी

ओव्हलवर आकाश दीपने (Aakash Deep) त्याच्या कसोटी कारकिर्दीतील पहिली अर्धशतकी खेळी केली. त्यांनी मुट्ठी आवळून जल्लोष केला आणि नंतर बॅट उंचावून ड्रेसिंग रूमकडे इशारा केला. माजी कर्णधार सुनील गावस्कर (Sunil Gavaskar) यांनी त्यांच्या या खेळीचं कौतुक करताना म्हटलं, ‘खूप छान, शाबास यंगमॅन!

आकाश दीपने NDTV ला दिलेल्या एका मुलाखतीत सांगितलं होतं, बिहारमध्ये 3-4 दिवसांसाठी रेड बॉल क्रिकेट खेळलं जात होतं. मी तिथे भाग घेतला होता आणि तिथेच मी बॅटिंग करायला लागलो. त्याचे ओळखीचे प्रशिक्षक सांगतात की, स्थानिक स्तरावर तो एक चांगला फलंदाज होता आणि मोठमोठे षटकार मारत असायचा.

ओव्हलवर आकाश दीप (Aakash Deep) जबाबदारीने खेळायला उतरला आणि त्याही पुढे जाऊन आपल्या भूमिकेचं उत्कृष्ट पालन केलं. त्यांच्या 10व्या कसोटीमधील ही आतापर्यंतची सर्वोत्तम खेळी ठरली. 70 चेंडूत त्याने अर्धशतक पूर्ण केलं, ज्यात त्याने 9 चौकार मारले. याआधी त्याची कसोटीमधील सर्वोत्तम खेळी 31 धावांची होती.

ओव्हल कसोटी सामन्याचा तिसरा दिवस ही मालिका निर्णायक ठरू शकतो. भारताने 75/2 या स्थितीतून पुढचा डाव सुरू केला, तेव्हा आकाश दीपसाठी ड्रेसिंग रूममधून स्पष्ट संदेश होता. यशस्वी जायसवालला (Yashsvi jaiswal) साथ द्यायची आणि खेळपट्टीवर टिकून राहायचं. आकाश दीप नाईट वॉचमन म्हणून दुसऱ्या दिवशी खेळायला आला होता.

बर्मिंगहॅम आणि लॉर्ड्समध्ये त्याने 6, 7 आणि 1 अशा छोट्या खेळ्या केल्या होत्या. पण ओव्हलवर तो एका वेगळ्याच जबाबदारीने खेळत होता. त्याने जोश टंग आणि गस अ‍ॅटकिन्सन यांसारख्या गोलंदाजांचे सर्व प्लॅन फसवले. महत्त्वाची गोष्ट म्हणजे, अमित मिश्रा यांच्या दशकभरानंतर एखाद्या नाईट वॉचमनकडून भारतीय संघासाठी ही पहिली अर्धशतकी खेळी होती.

तिसऱ्या दिवशी आकाश दीपने (Aakash Deep) टिकून खेळून ना फक्त यशस्वीला साथ दिली, तर टीम इंडियाला (Team india) विजयाच्या दाराशी आणण्यातही मोठा हातभार लावला. त्याने यशस्वीसोबत तिसऱ्या विकेटसाठी 107 धावांची भागीदारी रचली. 94 चेंडूत त्याने 12 चौकार करत 66 धावा केल्या.

पुढच्या दिवशीही आकाश दीपने (Aakash Deep) आपला फोकस गमावला नाही. स्थानिक क्रिकेटमध्ये सुरुवात त्याने फलंदाज म्हणूनच केली होती. त्याची फलंदाजी आणि त्याहूनही महत्त्वाचं म्हणजे, संघाच्या गरजेला तो किती महत्त्व देतो, हे त्याने अनेकदा दाखवून दिलं आहे. 107 धावांच्या भागीदारीदरम्यान त्याचा वेग यशस्वीपेक्षा जास्त होता आणि त्याने आपला फोकस कायम ठेवत एक सुसंगत फलंदाजासारखा खेळ केला.

ही खेळी टीम इंडियासाठी (Team india) नक्कीच फायदेशीर ठरणार आहे. त्याला दिलेली भूमिका त्याने पूर्ण समजून घेतली आणि त्यात प्रामाणिकपणे यश मिळवलं. त्याने ड्रेसिंग रूमचा विश्वास जिंकला आणि चाहत्यांचं मनही जिंकलं. मागील दोन कसोटी सामन्यांमध्ये त्याने 11 बळी घेतले आहेत. बर्मिंगहॅममध्ये 4/88 आणि 6/99 अशी कामगिरी करत त्याने टीम इंडियाच्या विजयात मोठं योगदान दिलं. ओव्हलवर पुन्हा एकदा संघ आणि चाहत्यांना त्याच्याकडून तशाच कामगिरीची आशा आहे.