CSK vs RR: चेन्नई सुपर किंग्सच्या एका सुवर्ण युगाचा अंत! दोन दिग्गजांविना पहिल्यांदाच मैदानात उतरणार येलो आर्मी

आयपीएल 2026 (Indian premiere league) मध्ये चेन्नई सुपर किंग्स (CSK) च्या इतिहासात पहिल्यांदाच एक मोठी गोष्ट घडणार आहे. या हंगामात सीएसकेचा संघ एम.एस. धोनी, (MS Dhoni) रवींद्र जडेजा (Ravindra Jadeja) आणि सुरेश रैना (Suresh Raina) या तिघांशिवाय मैदानात उतरेल. चेन्नईची फ्रँचायझी सध्या बदलाच्या टप्प्यातून जात आहे. एकेकाळी अनुभवी खेळाडूंना संधी देण्यासाठी ओळखली जाणारी ही टीम, आता भविष्याचा विचार करून तरुण खेळाडूंवर विश्वास दाखवत आहे.

2008 मध्ये जेव्हा आयपीएलची सुरुवात झाली, तेव्हा सुरेश रैना आणि एम.एस. धोनी हे चेन्नईच्या टीमचे सर्वात मोठे चेहरे होते. मॅथ्यू हेडन, शेन वॉटसन आणि मुथैया मुरलीधरन यांसारखे दिग्गज परदेशी खेळाडू या संघातून खेळले असले, तरी चाहत्यांच्या हृदयात मात्र धोनी आणि रैना यांची जागा ‘थाला’ आणि ‘चिन्ना थाला’ म्हणून कायम राहिली. रैना आधीच निवृत्त झाला आहे, तर धोनी या हंगामाच्या सुरुवातीला उपलब्ध नसेल. त्यामुळे या दोन दिग्गज भारतीय खेळाडूंशिवाय खेळण्याची चेन्नईची ही पहिलीच वेळ असेल.

धोनीने आयपीएलमध्ये 278 सामने खेळले असून 100 डावांत नाबाद राहण्याचा अनोखा विक्रम त्याच्या नावावर आहे. त्याने 38.30 च्या सरासरीने 5439 धावा केल्या असून तो चेन्नईसाठी सर्वाधिक धावा करणारा खेळाडू आहे. दुसरीकडे, सुरेश रैना 2 राज्ये (चेन्नई आणि गुजरात लायन्स) मिळून एकूण 5528 धावांसह या लीगचा महत्त्वाचा खेळाडू राहिला आहे. त्याने चेन्नईसाठी सर्वाधिक धावा करण्याच्या बाबतीत दुसरे स्थान पटकावले आहे. 2016-17 च्या काळात जेव्हा धोनी आणि रैना पुणे आणि गुजरातसाठी खेळले होते, तेव्हाच्या त्यांच्या कामगिरीचीही आजही चर्चा होते. मात्र, 2026 चा हा हंगाम चेन्नईच्या चाहत्यांसाठी एका नव्या युगाची सुरुवात ठरणार आहे.