अभिषेक शर्माने रचला नवा इतिहास..! अशी कामगिरी करणारा भारताचा एकमेव फलंदाज

Abhishek Sharma created history: इंडियन प्रीमियर लीग (IPL 2025) मध्ये गोलंदाजांवर वाईट रीतीने वर्चस्व गाजवणारा डावखुरा फलंदाज अभिषेक शर्माने (Abhishek Sharma) शनिवारी (23 मे) लखनऊच्या एकाना स्टेडियमवर आरसीबी विरुद्ध (RCB vs SRH) सामन्यात शानदार रेकाॅर्ड आपल्या नावावर केला. तो 17 चेंडूत 3 चौकार. 3 षटकारांसह 34 धावावर बाद झाला. खरं तर, अभिषेक शर्मा इतिहासातील तिसऱ्या क्रमांकाचा फलंदाज बनला, त्याने किमान 4 हजार धावांच्या स्केलवर सर्वात जलद स्ट्राईक रेटनुसार धावा करणाऱ्या फलंदाजांमध्ये टिम डेव्हिड आणि सीडी ग्रँडहोमला मागे टाकले.

अभिषेक शर्मा ज्या शैलीत फलंदाजी करत आहे, त्याने दाखवून दिले आहे की, तो दिवस दूर नाही जेव्हा तो सर्वात जलद 5 हजार धावा करणाऱ्या फलंदाजांच्या बाबतीत किंवा येणाऱ्या काळात उर्वरित हजार धावा करणाऱ्या फलंदाजांच्या बाबतीत जगातील बॉस असेल. कोणत्याही भारतीयाला आतापर्यंत ही कामगिरी करता आली नाही

टी-20 इतिहासात सर्वात जलद 4 हजार धावा करणाऱ्या फलंदाजांच्या यादीत फिन अॅलन (4,070, 170.93) हे नाव अव्वल स्थानावर आहे, तर दुसऱ्या क्रमांकावर इंडीजचा आंद्रे रसेल (168.84) आहे. त्यांच्यानंतर आता अभिषेकचे नाव कोरले गेले आहे. त्याच्यानंतर टिम डेव्हिड (160.97) आणि सीडी ग्रँडहोम (155.62) यांचा क्रमांक लागतो. अभिषेक ज्या पद्धतीने फलंदाजी करत आहे, त्यामुळे तो येणाऱ्या काळात ‘बाकीच्या हजार’ श्रेणींमध्ये सर्वात जलद स्ट्राईक-रेटचा बॉस बनू शकतो हे स्पष्ट आहे.

यंदाच्या आयपीएल हंगामात हैदराबाद संघाने खूप निराशा केली आहे. प्लेऑफच्या शर्यतीतून खूप आधी बाहेर पडलेले हैदराबाद तळाच्या 3 संघांमध्ये स्थान मिळवू शकते. परंतु आतापर्यंतच्या प्रवासात अभिषेक शर्माने त्याच्या बाजूने कोणतीही कसर सोडली नाही. या डावखुऱ्या फलंदाजाने आतापर्यंत हैदराबादसाठी 13 सामन्यांमध्ये 33.91च्या सरासरीने आणि 192.89च्या स्ट्राईक रेटने सर्वाधिक 407 धावा केल्या आहेत. (Abhishek Sharma has scored the most runs for Hyderabad in IPL 2025.)