मुंबईतून सध्या मोठी बातमी समोर येत आहे. अभिनेता टायगर श्रॉफवर गोळीबार झाल्याची बातमी समोर येत आहे. प्राथमिक माहितीनुसार, तीन दुचाकीस्वार हल्लेखोरांनी अभिनेत्यावर गोळीबार केला. मुंबई पोलिसांनी या घटनेला दुजोरा दिला असून अभिनेता टायगर पूर्णपणे सुरक्षित असल्याचे सांगितले आहे. ही घटना जुहूच्या पुष्पा भागातील असल्याची माहिती आहे. गोळीबारामागचे कारण सध्या स्पष्ट झालेले नाही. पोलीस आरोपीचा शोध घेत आहेत. सध्या मुंबई पोलीस या संपूर्ण प्रकरणाचा तपास करत आहेत. या घटनेत अभिनेत्याचा चालक आणि एक रिक्षाचालक जखमी झाल्याची माहिती समोर येत आहे. या गोळीबाराची जबाबदारी लॉरेन्स गँगने घेतली आहे.
कसा झाला हल्ला?
मिळालेल्या माहितीनुसार, टायगर फुटबॉल मैदानावरून घरी परतत असताना जुहू येथील जेव्हीपीडी मैदानाजवळ दुचाकीवरून आलेल्या तीन अज्ञातांनी गोळीबार केला. 5-7 राउंड गोळीबार झाल्याची माहिती आहे. या घटनेत टायगर श्रॉफचा चालक आणि एक रिक्षाचालक जखमी झाल्याची माहिती आहे.
लॉरेन्स टोळीने सोशल मीडियाच्या माध्यमातून जबाबदारी स्वीकारली
टायगर श्रॉफवरील हल्ल्याची जबाबदारी लॉरेन्स बिश्नोई ग्रुपने घेतली आहे. लॉरेन्स बिश्नोई ग्रुपकडून गँगस्टर अनिल पंडितची पोस्ट सोशल मीडियावर आली आहे, ज्यामध्ये या घटनेची जबाबदारी स्वीकारण्यात आली आहे. याआधीही लॉरेन्सने अनेक सिनेतारकांना धमक्या दिल्या होत्या. बॉलिवूड अभिनेता सलमान खानलाही या टोळीकडून अनेकदा धमक्या आल्या होत्या. आता याच टोळीने टायगरवरील गोळीबाराची जबाबदारी घेतली आहे.
SIR वर निवडणूक आयोगात फूट! 10 महिन्यांत 14 वेळा दोन निवडणूक आयुक्तांनी निर्णयांवर नाराजी व्यक्त केली, माहितीशिवाय निर्णय घेतल्याचा आरोप
Comments are closed.