AFG vs ZIM: रशीदची फिरकी आणि झद्रानच्या मॅचविनिंग इनिंगच्या जोरावर अफगाणिस्तानने झिम्बाब्वेचा 7 गडी राखून पराभव करत मालिका ताब्यात घेतली.

अफगाणिस्तानसाठी कर्णधार राशिद खान सर्वात यशस्वी गोलंदाज ठरला. त्याने ३ बळी घेतले. मुजीब उर रहमान आणि अब्दुल्ला अहमदझाई यांनी प्रत्येकी 2, तर फरीद अहमद आणि मोहम्मद नबी यांनी प्रत्येकी 1 बळी घेतला.

लक्ष्याचा पाठलाग करताना अफगाणिस्तानची सुरुवात दमदार होती. रहमानउल्ला गुरबाज 16 धावा करून धावबाद झाला, पण इब्राहिम झद्रानने एका टोकाकडून शानदार फलंदाजी सुरूच ठेवली. त्याने 51 चेंडूत 7 चौकारांसह 57 धावांची नाबाद मॅच-विनिंग इनिंग खेळली. याशिवाय दरविश रसूलीने 17 धावा आणि अजमतुल्ला उमरझाईने 13 चेंडूत 25 नाबाद धावा जोडून संघाला 12 चेंडू शिल्लक असताना विजय मिळवून दिला.

झिम्बाब्वेकडून ब्रॅड इव्हान्सने 2 आणि वेलिंग्टन मसाकादझाने 1 बळी घेतला.

या विजयासह अफगाणिस्तानने मालिका 2-0 अशी जिंकली आहे. आता दोन्ही संघांमधील तिसरा आणि शेवटचा सामना याच मैदानावर रविवारी (२ नोव्हेंबर) होणार आहे.