'रोहित-विराटच्या निवृत्तीनंतर…', रविचंद्रन अश्विनने केले मोठे विधान!

भारतीय संघाचे दोन माजी कर्णधार आणि दिग्गज फलंदाज विराट कोहली आणि रोहित शर्मा यांनी कसोटी आणि टी20 फॉरमॅटमधून निवृत्ती घेतली आहे. (Two former captains and legendary batters of the Indian team, Virat Kohli and Rohit Sharma, have retired from Test and T20 formats). “सध्या हे दोन्ही खेळाडू फक्त एकदिवसीय (ODI) फॉरमॅटमध्ये खेळताना दिसतात. मात्र, 2027 च्या वनडे वर्ल्ड कपनंतर हे दोन्ही दिग्गज या फॉरमॅटमधूनही निवृत्तीचा निर्णय घेऊ शकतात. अशा परिस्थितीत, त्यानंतरच्या वनडे क्रिकेटच्या भविष्याबाबत चिंता व्यक्त केली जात आहे. भारतीय फिरकीपटू रविचंद्रन अश्विनने आता या दोघांबाबत एक धक्कादायक विधान केले आहे.

टीम इंडियाचा सुपरस्टार रविचंद्रन अश्विनचे असे मत आहे की, वनडे क्रिकेटची क्रेझ आता कमी होत चालली आहे. रोहित शर्मा आणि विराट कोहली यांच्या निवृत्तीनंतर वनडे क्रिकेटवर मोठे संकट येऊ शकते, असे त्याला वाटते. आपल्या यूट्यूब चॅनेलवर 2027 च्या वर्ल्ड कपनंतरच्या वनडे क्रिकेटच्या भविष्यावर बोलताना अश्विन म्हणाला, ‘मला वनडेच्या भविष्याची काळजी वाटत आहे. रोहित आणि विराट विजय हजारे ट्रॉफीमध्ये परतल्यामुळे लोक पुन्हा ही स्पर्धा पाहू लागले होते. मी नेहमीच म्हणतो की खेळ हा कोणत्याही व्यक्तीपेक्षा मोठा असतो, परंतु कधीकधी खेळाचे महत्त्व टिकवून ठेवण्यासाठी अशा खेळाडूंना पुनरागमन करावे लागते. त्यांच्या निवृत्तीनंतर वनडे क्रिकेटचे महत्त्व कमी होऊ शकते.’

अलीकडच्या काळात वनडे क्रिकेटवर सर्वात मोठे संकट घोंघावत आहे. रोहित शर्मा आणि विराट कोहली आता फक्त वनडे क्रिकेट खेळत असल्याने भारतीय चाहत्यांनी हा फॉरमॅट जिवंत ठेवला आहे. मात्र, जेव्हा इतर संघ खेळतात, तेव्हा चाहत्यांची संख्या कमी होताना दिसत आहे. याच कारणामुळे आता सर्वच संघ कमी वनडे सामने खेळू इच्छितात. 2027 चा वनडे वर्ल्ड कप आणि आयसीसी चॅम्पियन्स ट्रॉफीपूर्वी क्रिकेट बोर्ड केवळ काही मोजक्याच मालिकांचे आयोजन करत आहेत. सध्या बहुतेक संघांचे लक्ष टी20 फॉरमॅटवर आहे. सध्या तरी कसोटी क्रिकेट हे वनडेपेक्षा जास्त सुरक्षित दिसत आहे.