ईडन गार्डन्सवर आंद्रे रसेलने रचला इतिहास! अशी कामगिरी करणारा तिसरा खेळाडू

रविवारी (5 मे) राजस्थान रॉयल्स विरुद्धच्या आयपीएल सामन्यात कोलकाता नाईट रायडर्सचा कर्णधार अजिंक्य रहाणेने (Ajinkya Rahane) नाणेफेक जिंकून प्रथम फलंदाजी करण्याचा निर्णय घेतला. दरम्यान प्रथम फलंदाजी करताना राजस्थानसमोर विजयासाठी 207 धावांचे लक्ष्य ठेवले. या सामन्यासाठी केकेआरने इंग्लंडचा अष्टपैलू मोईन अली (Moeen Ali) आणि रमणदीप सिंग (Ramandeep Singh) यांचा संघात समावेश केला. या सामन्यासाठी राजस्थानने 3 बदल केले. नितीश राणा, फजलहक फारुकी आणि कुमार कार्तिकेय यांना वगळण्यात आले, तर युद्धवीर सिंग, वानिंदू हसरंगा आणि कुणाल राठोड यांचा प्लेइंग इलेव्हनमध्ये समावेश करण्यात आला.

कोलकाता नाईट रायडर्सचा (KKR) विस्फोटक अष्टपैलू आंद्रे रसेलने (Andre Russell) टी20 क्रिकेटमध्ये आणखी एक खास कामगिरी केली आहे. रसेल आता कोलकाताचे होम ग्राउंड ईडन गार्डन्सवर 1,000 टी20 धावा पूर्ण करणारा तिसरा फलंदाज बनला आहे.

राजस्थान रॉयल्सविरुद्ध खेळल्या गेलेल्या सामन्यात रसेलने तुफानी फलंदाजी करत फक्त 22 चेंडूत अर्धशतक झळकावले. त्याच्या खेळीने प्रेक्षकांचे खूप मनोरंजन केले. रसेलने 25 चेंडूत 228च्या स्ट्राईक रेटने 57 धावांची खेळी केली. त्याने आपल्या खेळीत 4 चौकारांसह 6 षटकार ठोकले. रसेलची विस्फोटक फलंदाजी आणि ईडन गार्डन्सवरील त्याचा रेकाॅर्ड हे सिद्ध करतो की तो या मैदानावर विरोधी गोलंदाजांसाठी नेहमीच धोकादायक ठरतो.

हॅमरेड, फूट. आंद्रे रसेल 🔨

तो दोन शक्तिशाली स्ट्राइकसह शॅकल्स तोडतो! 🔥

अद्यतने ▶ https://t.co/wg00ni9cqe#Takelop | #Kkrvrr | @रसेल 12 ए pic.twitter.com/A0AWR1OWHP

– इंडियनप्रिमियरलीग (@आयपीएल) 4 मे, 2025

ईडन गार्डन्सवर सर्वाधिक टी20 धावा करणारे खेळाडू-
गौतम गंभीर 1,462 हल्ला
रॉबिन उथप्पा 1,160 हल्ला
आंद्रे रसेल 1,047 धावा