केसांची मुळे कमकुवत आहेत का? मग 10 रुपयांचे जवसाचे जेल घरीच तयार करा, केस मऊ होतील

• केसांच्या मुळांचे पोषण करण्यासाठी घरगुती उपाय?
• केसांची गुणवत्ता कशामुळे खराब होते?
• मऊ आणि आटोपशीर केसांसाठी कोणते घरगुती उपाय आहेत?

सर्व महिला आणि पुरुषांना त्यांचे केस सुंदर आणि मजबूत हवे असतात. केसांच्या वाढीसाठी अनेक वेगवेगळे उपाय आहेत. पण पर्यावरणीय बदलांचा परिणाम केसांवर झाल्यानंतर केसांची मुळे खूप कमकुवत आणि नाजूक होतात. केसांना कंघी करतानाही बरेच केस गळतात. केसांचे पोषण करण्यासाठी अनेक वेगवेगळ्या गोष्टी करता येतात. पण चुकीचा आहार, पोषणाचा अभाव आणि चुकीच्या केसांची निगा राखणाऱ्या उत्पादनांचा वापर यामुळे केसांचा मुळे कमकुवत होतात आणि केस तुटण्याची शक्यता असते. केसांची समस्या वाढू लागल्यानंतर, महिला बाजारात उपलब्ध असलेल्या केसांच्या विविध रासायनिक उपचारांचा अवलंब करतात. पण या रासायनिक उपचारांमुळे केस काही काळ सुंदर आणि चमकदार होतात. पण कालांतराने ते केसांच्या मुळांना आणि केसांना पुन्हा एकदा नुकसान पोहोचवते.(छायाचित्र सौजन्य – istock)

थंडीत सांधे दुखतात का? नियमितपणे 'या' सवयी पाळा, शरीराची हाडे अजिबात कमकुवत होणार नाहीत

खराब झालेल्या केसांची गुणवत्ता सुधारण्यासाठी रासायनिक उपचार, महागडे शॅम्पू किंवा सीरम नेहमी लावले जातात. मात्र हे सर्व उपाय करण्यापेक्षा केसांना आतून पोषण मिळायला हवे. केसांच्या मुळांना पोषण देण्यासाठी अंबाडीच्या बिया वापरून हेअर जेल तयार करण्याची एक सोपी रेसिपी आज आम्ही तुमच्यासोबत शेअर करणार आहोत. अशा प्रकारे बनवलेले हेअर जेल आठवड्यातून दोनदा लावल्याने केस खूप सुंदर होतील, केसांच्या मुळांना पोषण मिळेल आणि केस चमकदार होतील.

फ्लेक्ससीड्सपासून हेअर जेल बनवा:

हेअर जेल तयार करण्यासाठी सर्वप्रथम एका भांड्यात पाणी गरम करून त्यात अंबाडीच्या बिया टाका आणि उकळा. बियाणे व्यवस्थित उकळल्यानंतर, पाणी हळूहळू जेलमध्ये बदलेल. त्यानंतर लगेच गॅस बंद करा आणि तयार जेल गाळून घ्या. जवसाचे मिश्रण थंड होण्यापूर्वी ताबडतोब गाळून घ्या, अन्यथा जेल व्यवस्थित तयार होणार नाही. तयार केलेल्या हेअर जेलमध्ये तुमच्या आवडीचा कोणताही हेअर मास्क मिसळा.

बसल्यावर लगेच झोप येतेय? शरीरात थकवा आला नाहीतर 'हा' गंभीर आजार होण्याचा धोका असू शकतो, योग्य वेळी उपचार घ्या

तयार हेअर मास्क केसांना लावण्यापूर्वी कंगव्याच्या साहाय्याने केस व्यवस्थित आवळावेत. यानंतर, तयार केलेला हेअर मास्क केसांच्या मुळापासून टोकापर्यंत लावा. त्यानंतर हा मास्क 1 तास ठेवा. नंतर केस स्वच्छ पाण्याने शैम्पूने धुवा. यामुळे केसांच्या मुळांना पोषण मिळेल आणि केस खूप चमकदार आणि सुंदर होतील. आठवड्यातून एक किंवा दोनदा हे केस कंडिशनर लावल्याने तुमचे केस खूपच चमकदार होतील.

टीप – हा लेख फक्त सामान्य माहितीसाठी लिहिला आहे आणि कोणत्याही प्रकारचा इलाज असल्याचा दावा करत नाही. कोणताही उपाय करण्यापूर्वी तुमच्या डॉक्टरांचा सल्ला घ्या.