संजू सॅमसन एशिया कप 2025: संजू सॅमसन मागील काही काळापासून अभिषेक शर्मा सोबत टी20 क्रिकेटमध्ये सलामीवीर म्हणून खेळत होता. त्यामुळे आशिया कपमध्येही तो ह्याच स्थानावर खेळणार अशी चर्चा होती. गेल्या 10 टी20 आंतरराष्ट्रीय डावांमध्ये संजूनं तब्बल 3 शतकं झळकावली. मात्र इतर डावांत त्याचा खेळ विशेष चमकला नाही. तरीदेखील आशिया कपसाठी या स्थानाचा मोठा दावेदार तो मानला जात होता. पण संघ व्यवस्थापनाची भूमिका वेगळी निघाली. आता शुभमन गिल सलामीला उतरणार आहे. संजूनं मात्र नव्या स्थानासाठी तयारीला सुरुवात केली आहे, पण पहिल्याच प्रयत्नात त्याला अपयश आलं.
मुख्य निवडकर्ता अजित आगरकर यांनी संघ घोषणेच्या वेळी स्पष्ट केले होते की, शुभमन गिल संघात नसल्याने संजू सॅमसन ओपनिंग करत होता, आता तो परतला आहे. याचा अर्थ असा की गिल आणि अभिषेक शर्मा आशिया कपमध्ये ओपनिंग (Asia Cup 2025 Team India playing 11) करतील अशी शक्यता आहे. तिलक वर्मा तिसऱ्या क्रमांकावर आणि सूर्यकुमार यादव चौथ्या क्रमांकावर येतील. हार्दिक पांड्या पाचव्या क्रमांकावर फलंदाजी करू शकतो, त्यामुळे सहाव्या क्रमांकाचा क्रमांक विकेटकीपर फलंदाज सॅमसनसाठी रिक्त राहील.
संजू सॅमसन करतोय सहाव्या क्रमांकाची तयारी
टीम इंडियाचा स्टार फलंदाज संजू सॅमसन आता सहाव्या क्रमांकावर खेळण्यासाठी तयारी करत आहे. केरळ प्रीमियर लीगच्या पाचव्या सामन्यात त्याने या स्थानावर फलंदाजीची टेस्ट घेतली. कोची ब्लू टायगर्स संघाकडून खेळताना संजूसाठी हा पहिला प्रयत्न मात्र यशस्वी ठरला. शनिवारी झालेल्या या सामन्यात त्याने 22 चेंडूत केवळ 13 धावा केल्या. यामध्ये एकही चौकार किंवा षटकार नव्हता. आशिया कपसाठी तयारी करत असलेल्या संजूसाठी हे प्रदर्शन निश्चितच निराशाजनक म्हणावे लागेल.
केरळ प्रीमियर लीगमधील कोची ब्लू टायगर्सच्या पहिल्या सामन्यात संजूला फलंदाजीची संधीच मिळाली नव्हती. मात्र दुसऱ्या सामन्यात तो खेळायला आला तेव्हा त्याच्या बॅटमधून फक्त 13 धावाच निघाल्या. तरीदेखील कोची ब्लू टायगर्सने हे दोन्ही सामने जिंकले आहेत.
गेल्या 10 टी-20 आंतरराष्ट्रीय डावांमध्ये संजूने 3 शतके झळकावली आहेत, त्यापैकी 2 दक्षिण आफ्रिकेविरुद्ध आणि एक बांगलादेशविरुद्ध आहे. परंतु इतर 7 डावांमध्ये तो 5 वेळा दुहेरी आकडी गाठण्यात अपयशी ठरला, ज्यामध्ये तो दोनदा शून्यावर आऊट झाला.
आशिया कप 2025 साठी टीम इंडियाचा संघ – (Team India Squad For Asia Cup 2025)
फलंदाज : सूर्यकुमार यादव (कर्णधार), शुभमन गिल (उपकर्णधार), अभिषेक शर्मा, तिलक वर्मा, रिंकू सिंग.
अष्टपाई: हार्दिक पांड्या, शिवम दुबे, क्षरा पटेल.
यष्टिरक्षक : संजू सॅमसन, जितेश शर्मा.
गोलांडज: जसप्रीत बुमराह, वरुना चक्रवर्ती, अर्शदिप सिंह, कुलदीप यादव, हर्षित राणा.
हे ही वाचा –
आणखी वाचा
Comments are closed.