Asia Cup: पाकिस्तान आशिया कप मधून बाहेर होणार? भारत- पाक सामन्यानंतर पॉईंट्स टेबलमध्ये मोठी उलथापालथ!

आशिया कप 2025 मधील फायनलसाठी स्पर्धा खूपच रोमांचक झाली आहे. सुपर 4 च्या पहिल्या सामन्यात बांगलादेशने श्रीलंकेला चकित केले. तर गेल्या रविवारी भारताने पाकिस्तानला 6 विकेटने पराभूत केले. त्यामुळे पॉइंट्स टेबल (Asia Cup Points Table) मध्ये मोठा बदल झाला आहे. सुपर 4 टप्प्यात चारही संघांचे एक-एक सामने झाले आहेत आणि त्यानंतर भारतीय संघ टेबलच्या शिखरावर आहे. विशेषतः पाकिस्तानसाठी फायनलपर्यंत पोहोचणे आता कठीण दिसत आहे.

सर्वप्रथम आशिया कप सुपर 4 च्या पॉइंट्स टेबलकडे पाहिले तर भारत पहिल्या स्थानावर आहे, ज्याच्याकडे 2 गुण आहेत आणि नेट रन रेट इतर संघांपेक्षा खूपच चांगली आहे. दुसऱ्या स्थानावर बांगलादेश आहे, ज्याने सुपर 4 च्या पहिल्या सामन्यात श्रीलंकाला हरवले होते. तर एक-एक पराभवाने श्रीलंका आणि पाकिस्तान अनुक्रमे तिसऱ्या आणि चौथ्या स्थानावर आहेत.

पाकिस्तानचा भारतविरुद्ध पराभव झाल्यानंतर त्याचा नेट रन रेट -0.689 आहे, ज्याची भरपाई पुढील सामन्यात करणे त्यांच्यासाठी खूपच कठीण ठरणार आहे. सध्या पॉइंट्स टेबलमध्ये सर्वात खाली असलेल्या पाकिस्तानसाठी सुपर 4 टप्प्यात अजून दोन सामने उरले आहेत. त्याला 23 सप्टेंबरला श्रीलंका आणि 28 सप्टेंबरला बांगलादेशशी सामना करावा लागणार आहे.

जर पाकिस्तान 23 सप्टेंबरला आपल्या पुढच्या सामन्यात श्रीलंकेला हरवते, तर श्रीलंका टीम फायनलसाठी स्पर्धेतून बाहेर जाईल. त्यानंतर पाक संघाचे पुढचे लक्ष्य बांगलादेश असेल. जर बांगलादेशला 24 सप्टेंबरला भारताविरुद्ध पराभव झाला, तर पाकिस्तान संघाला फक्त एक काम करावे लागेल, ते म्हणजे आपल्या शेवटच्या सुपर 4 सामन्यात बांगलादेशला हरवणे. तर बांगलादेशने टीम इंडियाला हरवल्यास त्यांच्याकडे 4 गुण होतील. अशा परिस्थितीत पाकिस्तानला 28 सप्टेंबरला बांगलादेशला इतक्या मोठ्या फरकाने हरवावे लागेल की त्यांचा नेट रन रेट बांगलादेशपेक्षा चांगला होईल.