विधानसभा निवडणूक 2026: देशातील पाच राज्यातील 'सरकार' बदलणार का? निवडणूक आयोगाने जाहीर केलेल्या तारखा; मतदान कधी आणि किती टप्प्यात होणार?

• देशातील पाच राज्यांचे 'सरकार' बदलणार का?
• निवडणूक आयोगाने जाहीर केलेल्या तारखा
• बघा मतदान कधी आणि किती टप्प्यात होणार?

विधानसभा निवडणूक 2026: केंद्रीय निवडणूक आयोग (ECI) आज पश्चिम बंगाल, तामिळनाडू, केरळ, आसाम आणि पुद्दुचेरी या पाच राज्यांच्या विधानसभा निवडणुकांच्या तारखा जाहीर झाल्या आहेत. मुख्य निवडणूक आयुक्त आणि त्यांच्या पथकाने आज विज्ञान भवनात दुपारी ४ वाजता झालेल्या पत्रकार परिषदेत मतदानाचा संपूर्ण कार्यक्रम जाहीर केला.

भारत निवडणूक आयोगाने 5 राज्ये/केंद्रशासित प्रदेशातील विधानसभा निवडणुकांच्या तारखा जाहीर केल्या.

1. आसाम- मतदानाची तारीख- 9 एप्रिल; मतमोजणीची तारीख ४ मे

2. तामिळनाडू- मतदानाची तारीख- 23 एप्रिल; मतमोजणीची तारीख- ४ मे

3. पश्चिम बंगाल- मतदानाची तारीख- 23 एप्रिल (पहिला टप्पा),… pic.twitter.com/wiM3u6FhIc

— ANI (@ANI) १५ मार्च २०२६

देशातील पाच राज्यांचे 'सरकार' बदलणार का?

निवडणूक आयोगाने दिलेल्या माहितीनुसार, या पाच राज्यांतील मतमोजणी 4 मे 2026 रोजी होणार आहे. प्रमुख राज्यांचे वेळापत्रक पुढीलप्रमाणे आहे.

• पश्चिम बंगाल: यावेळी हिंसाचार रोखण्यासाठी बंगालमध्ये कडक सुरक्षा असेल. येथे दोन टप्प्यात मतदान होणार आहे. पहिला टप्पा 23 एप्रिल आणि दुसरा टप्पा 29 एप्रिलला होणार आहे. 4 मे 2026 रोजी मतमोजणी होणार आहे.
• तामिळनाडू: राज्यात 23 एप्रिल रोजी एकाच टप्प्यात मतदान होणार आहे. मतमोजणी 4 मे 2026 रोजी होणार आहे.
• आसाम: आसाममध्ये 9 एप्रिल रोजी एकाच टप्प्यात मतदान होणार आहे. मतमोजणी 4 मे 2026 रोजी होणार आहे.
• केरळ: केरळमध्येही 9 एप्रिल रोजी नागरिक मतदानाचा हक्क बजावतील. 4 मे 2026 रोजी मतमोजणी होणार आहे.
• पुद्दुचेरी: पुद्दुचेरी या केंद्रशासित प्रदेशात 9 एप्रिल रोजी एकाच दिवशी मतदान होणार आहे. मतमोजणी 4 मे 2026 रोजी होणार आहे.

आसाम निवडणूक 2026 : आसाम निवडणुकीत अरविंद केजरीवाल यांची एंट्री; 14 उमेदवारांची घोषणा

25 लाख कर्मचारी निवडणूक प्रक्रियेत सहभागी होणार आहेत

मुख्य निवडणूक आयुक्त म्हणाले की, एकूण 25 लाख कर्मचारी निवडणूक प्रक्रिया पार पाडण्यासाठी योगदान देतील. यापैकी 15 लाख कर्मचारी मतदान प्रक्रिया सुलभ करण्यासाठी काम करतील. याशिवाय 8,50,000 सुरक्षा कर्मचारी तैनात करण्यात येणार आहेत. 49,000 सूक्ष्म निरीक्षक आणि 1,444 निरीक्षक मतदान केंद्रांवर तैनात करण्यात येणार आहेत. मतमोजणीसाठी 40 हजार मतमोजणी अधिकारी, 21 हजार क्षेत्रीय अधिकारी आणि 15 हजार सूक्ष्म निरीक्षक असणार आहेत.