बँकेत नोकरीची मोठी संधी, 2 हजार 600 पदांसाठी भरती प्रक्रिया सुरु, कसा कुठे कराल अर्ज?

बँक जॉब 2025: बँक जॉब करण्याची इच्छा असणाऱ्या उमेदवारांसाठी मोठी आणि महत्वाची बातमी समोर आली आहे. बँकेत हजारो पदांसाठी भरती प्रक्रिया सुरु झाली आहे. त्यामुळं या परिक्षांची तयारी करणाऱ्या उमेदवारांसाठी ही मोठी संधी असणार आहे. स्टेट बँक ऑफ इंडिया (SBI) ने देशभरातील सर्कल बेस्ड ऑफिसर (CBO) च्या 2600  पदांच्या भरतीसाठी अर्ज मागवले आहेत.

या भरतीसाठी ऑनलाइन अर्ज प्रक्रिया सुरू झाली आहे, जी 29 मे 2025 पर्यंत चालेल. इच्छुक आणि पात्र उमेदवार SBI च्या अधिकृत वेबसाइट sbi.co.in किंवा ibpsonline.ibps.in/sbicboapr25/ ला भेट देऊन विलंब न करता फॉर्म भरू शकतात.

पात्रता काय असावी?

या पदांसाठी अर्ज करणाऱ्या उमेदवारांनी कोणत्याही मान्यताप्राप्त विद्यापीठातून पदवीधर असणे आवश्यक आहे. तसेच, वैद्यकीय, अभियांत्रिकी किंवा सीए सारखे व्यावसायिक अभ्यासक्रम असलेले देखील अर्ज करण्यास पात्र आहेत. याशिवाय, उमेदवाराला बँकिंग क्षेत्र किंवा कोणत्याही वित्तीय संस्थेशी संबंधित किमान 2 वर्षांचा कामाचा अनुभव असणे आवश्यक आहे.

वयोमर्यादा

उमेदवाराचे वय 30 एप्रिल 2025 रोजी किमान 21 वर्षे आणि कमाल 30 वर्षे असावे. अनुसूचित जाती/जमाती/ओबीसी सारख्या राखीव प्रवर्गांना सरकारने ठरवून दिलेल्या सवलतींचा लाभ मिळेल. भरतीसाठी उमेदवारांना अर्ज शुल्क भरावे लागेल. जनरल, ओबीसी आणि ईडब्ल्यूएस श्रेणीतील उमेदवारांना 750 रुपये शुल्क भरावे लागेल. एससी/एसटी आणि पीडब्ल्यूडी श्रेणीतील उमेदवारांकडून कोणतेही शुल्क आकारले जाणार नाही. अधिक माहितीसाठी

कसा कराल अर्ज?

उमेदवारांनी प्रथम ibpsonline.ibps.in/sbicboapr25/ या साईटवर जावे.
नवीन नोंदणीसाठी येथे क्लिक करा” वर क्लिक करा आणि सर्व आवश्यक माहिती भरा.
यानंतर तुमचा फोटो आणि स्वाक्षरी अपलोड करा.
त्यानंतर उमेदवारांनी उर्वरित तपशील भरावेत, फॉर्मचे पूर्वावलोकन करावे आणि फी जमा करावी.
अर्ज पूर्ण केल्यानंतर, त्याची प्रिंटआउट तुमच्याकडे सुरक्षित ठेवा.

इंडियन ओव्हरसीज बँकेतही भरती सुरु

जर तुम्ही बँकेत नोकरी मिळवण्याचे स्वप्न पाहत असाल (सरकारी नोकरी) तर तुमच्यासाठी एक आनंदाची बातमी आहे. इंडियन ओव्हरसीज बँक (IOB) ने लोकल बँक ऑफिसर (LBO) पदांसाठी भरती जाहीर केली आहे. या संधीचा लाभ घेऊ इच्छिणारे कोणतेही उमेदवार IOB च्या अधिकृत वेबसाइट iob.in ला भेट देऊन ऑनलाइन अर्ज करू शकतात. या भरती मोहिमेअंतर्गत, एकूण 400 पदांवर पात्र उमेदवारांची नियुक्ती केली जाईल. अर्ज प्रक्रिया सुरू झाली आहे आणि शेवटची तारीख 31 मे 2025 ठेवण्यात आली आहे. म्हणून, जर तुम्हाला बँकिंग क्षेत्रात तुमचे करिअर घडवायचे असेल, तर विलंब न करता अर्ज करा.

महत्वाच्या बातम्या:

बँकेत नोकरी मिळवण्याची मोठी संधी, पगार मिळणार 86000 रुपये, कसा कुठे कराल अर्ज? काय आहे पात्रता?

अधिक पाहा..