इंग्लंड दौऱ्यासाठी भारतीय महिला संघाची घोषणा! बीसीसीआयने ‘या’ खेळाडूंना दिली संधी; 27 महिन्यांन

India tour of England 2025 : भारतीय पुरुष आणि महिला क्रिकेट संघाची पुढील आंतरराष्ट्रीय मालिका इंग्लंडमध्ये आहे. भारतीय पुरुष संघ इंग्लंड दौऱ्यावर 5 सामन्यांची कसोटी मालिका खेळणार आहे, तर महिला क्रिकेट संघ एकदिवसीय आणि टी-20 मालिका खेळणार आहे. बीसीसीआयने भारतीय महिला क्रिकेट संघाची घोषणा केली आहे.

स्नेहा राणा आणि शेफाली वर्मा संघात परतल्या…

इंग्लंड दौऱ्यावर भारतीय महिला क्रिकेट संघ आधी 5 सामन्यांची टी-20 मालिका खेळणार आहे. यानंतर, 3 सामन्यांची एकदिवसीय मालिका खेळवली जाईल. हरमनप्रीत कौरच्या नेतृत्वाखाली टी-20 संघात 15 आणि एकदिवसीय संघात 16 खेळाडूंचा समावेश करण्यात आला आहे.

स्नेह राणा टी-20 संघात परतली, जिने 23 फेब्रुवारी 2023 रोजी तिचा शेवटचा टी-20 आंतरराष्ट्रीय सामना खेळला होता. याचा अर्थ ती 27 महिन्यांनी परतला आहे. पण, ती अलीकडेच श्रीलंकेत झालेल्या त्रिकोणी मालिकेत खेळली, ज्यामध्ये भारताने अंतिम सामन्यात श्रीलंकेला हरवून विजेतेपद जिंकले.

News न्यूज – आगामी इंग्लंड दौर्‍यासाठी टीम इंडिया (ज्येष्ठ महिला) पथकांनी घोषित केले 🚨

टी -20 आयएस आणि एकदिवसीय संघांसाठी पथकांचा एक नजर 👇#Teamindia | #ENGVIND pic.twitter.com/lrumzf09f8

– बीसीसीआय महिला (@bcciwomen) 15 मे, 2025

महिला प्रीमियर लीगमधील तिच्या दमदार कामगिरीबद्दल केवळ स्नेहा राणाच नाही, तर स्फोटक फलंदाज शेफाली वर्मालाही बक्षीस मिळाले आहे. ऑक्टोबर 2024 पासून ती सर्व फॉरमॅटमधून बाहेर होती, पण तिने WPL मध्ये शानदार फलंदाजी केली. तिला टी-20 संघात स्थान देण्यात आले आहे, तर एकदिवसीय संघात तिचा समावेश नाही.

इंग्लंड दौऱ्यासाठी भारतीय महिला क्रिकेट संघाचा एकदिवसीय संघ

हरमनप्रीत कौर (कर्णधार), स्मृती मानधना (उपकर्णधार), प्रतिका रावल, हरलीन देओल, जेमिमाह रॉड्रिग्स, रिचा घोष, यास्तिका भाटिया, तेजल हसबनीस, दीप्ती शर्मा, स्नेह राणा, श्री चरणी, शुची उपाध्याय, अमनजोत कौर, अरुंधती रेड्डी, क्रांती गौड, सायली सातघरे.

इंग्लंड दौऱ्यासाठी भारतीय महिला क्रिकेट संघाचा टी-20 संघ

हरमनप्रीत कौर (कर्णधार), स्मृती मानधना (उपकर्णधार), शेफाली वर्मा, जेमिमाह रॉड्रिग्स, रिचा घोष, यास्तिका भाटिया, हरलीन देओल, दीप्ती शर्मा, स्नेह राणा, श्री चरणी, शुची उपाध्याय, अमनजोत कौर, अरुंधती रेड्डी, क्रांती गौड, सायली सातघरे.

वर्ल्ड कपपूर्वी महत्त्वाची मालिका

इंग्लंड विरुद्ध भारत एकदिवसीय मालिका खूप महत्त्वाची असेल, कारण यानंतर सप्टेंबर-ऑक्टोबरमध्ये भारतात महिला एकदिवसीय वर्ल्ड कप होणार आहे. हे 29 सप्टेंबर ते 26 ऑक्टोबर दरम्यान आयोजित केले जाईल. यामध्ये एकूण 8 संघ सहभागी होतील.

बीसीसीआय काही दिवसांत पुरुष क्रिकेट संघाची घोषणा देखील करेल. रोहित शर्माच्या निवृत्तीनंतर नवा कर्णधार कोण होतो हे पाहणे बाकी आहे, जरी बातमी अशी आहे की शुभमन गिलचे नाव अंतिम झाले आहे. रोहितसोबत विराट कोहलीनेही कसोटीतून निवृत्ती घेतली आहे.

अधिक पाहा..