टीम इंडियाच यावर्षीच वेळापत्रक खूपच व्यस्त आहे. 20 जून पासून टीम इंडियाचा इंग्लंड दौरा सुरू होणार असून टीम इंडिया आणि इंग्लंड यांच्यामध्ये पाच सामन्यांची कसोटी मालिका खेळली जाणार आहे. त्याचबरोबर वेस्ट इंडिज आणि दक्षिण आफ्रिका हे संघ सुद्धा हिंदुस्थानच्या दौऱ्यावर येणार आहे. ऑक्टेबर, नोव्हेंबर आणि डिसेंबर असे तीन महिने क्रीडा प्रेमींना कसोटी, वनडे आणि टी-20 मालिकेचा थरार पाहायला मिळणार आहे.
ऑक्टोबरमध्ये टीम इंडिया आणि वेस्ट इंडिज यांच्यात दोन सामन्यांची कसोटी मालिका पार पडणार आहे. या मालिकेतील पहिला सामना 2 ऑक्टोबरपासून अहमदाबादमध्ये सुरू होणार आहे. तर दुसरा सामना 10 ऑक्टोबरला सुरू होणार आहे. जुन्या वेळापत्रकानुसार दुसरा कसोटी सामना कोलकाताच्या ऐतिहासिक ईडन गार्डन्सवर होणार होता. मात्र आता हा सामना नवी दिल्लीच्या अरुण जेटली स्टेडियमवर खेळला जाणार आहे. त्यानंतर दक्षिण आफ्रिकेविरुद्धचा पहिला कसोटी सामना जुन्या वेळापत्रकानुसार 14 नोव्हेंबरपासून नवी दिल्लीच्या अरुण जेटली स्टेडियमवर खेळला जाणार होता. परंतु हा सामना आता कोलकाताच्या ईडन गार्डन्सवर खेळला जाणार आहे. या दोन बदलांव्यतिरिक्त इतर वेळापत्रकात कोणताही बदल करण्यात आलेला नाही.
🚨 बातम्या 🚨
बीसीसीआयने टीम इंडिया (आंतरराष्ट्रीय घर हंगाम) आणि दक्षिण आफ्रिका अ टूर ऑफ इंडियासाठी अद्ययावत स्थळे जाहीर केली.
तपशील 🔽 #Teamindia | @Idfcfirstbank https://t.co/vaxufzqdra
– बीसीसीआय (@बीसीसीआय) 9 जून, 2025
वेस्टइंडिजचा हिंदुस्थान दोरा
1) पहिली कसोटी – 2 ते 6 ऑक्टोबर (नरेंद्र मोदी स्टेडियम, अहमदाबाद)
2) दुसरी कसोटी – 10 ते 14 ऑक्टोबर (अरुण जेटली स्टेडियम, नवी दिल्ली)
दक्षिण आफ्रिकेचा हिंदुस्थान दौरा
पहिली कसोटी – 14 ते 18 नोव्हेंबर, कोलकाता
दुसरी कसोटी – 22 ते 26 नोव्हेंब, गुवाहाटी
पहिली वनडे – 30 नोव्हेंबर, रांची
दुसरी वनडे – 3 डिसेंबर, रायपूर
तीसरी वनडे – 6 डिसेंबर, विशाखापट्टनम
पहिली टी-20 – 9 डिसेंबर, कटक
दुसरी टी-20 – 11 डिसेंबर, मुल्लांपूर
तिसरी टी-20 – 14 डिसेंबर, धर्मशाळा
चौथी टी-20 – 17 डिसेंबर, लखनऊ
पाचवी टी-20 – 19 डिसेंबर, अहमदाबाद
Comments are closed.