ऑस्ट्रेलिया दौऱ्यानंतर विराट-रोहित रिटायर होणार का? BCCI उपाध्यक्ष राजीव शुक्ला यांनी दिलं स्पष्टीकरण!

रोहित शर्मा आणि विराट कोहलींच्या (Rohit Sharma & Virat Kohli) निवृत्तीचा विषय पुन्हा चर्चेत आला आहे. BCCIचे उपाध्यक्ष राजीव शुक्ला (BCCI Vice president Rajiv Shukla) यांनी त्या विषयावर स्पष्टीकरण दिले आहे, ज्यामध्ये ऑस्ट्रेलिया दौरा रोहित आणि विराटसाठी शेवटचा आंतरराष्ट्रीय दौरा असेल अशा चर्चा होत्या.

राजीव शुक्ला (Rajiv Shukla) यांनी या सर्व अफवांना फेटाळून सांगितले की, निवृत्तीचा निर्णय फक्त खेळाडू स्वतः घेतो.

भारत आणि ऑस्ट्रेलियाच्या (IND vs Aus) 3 सामन्यांच्या वनडे मालिकेतील सामने 19 ते 25 ऑक्टोबरदरम्यान होणार आहे.

ANI न्यूज एजन्सीशी बोलताना राजीव शुक्ला म्हणाले, रोहित शर्मा आणि विराट कोहली यांचं ODI स्क्वॉडमध्ये असणे आमच्यासाठी फायदेशीर आहे, कारण दोघेही महान फलंदाज आहेत. त्यांच्या उपस्थितीमुळे मला वाटते की आपण ऑस्ट्रेलियाला हरवण्यात यशस्वी होऊ.

विराट कोहली आणि रोहित शर्मा यांच्या शेवटच्या मालिकेच्या अफवांवर BCCI उपाध्यक्ष राजीव शुक्ला म्हणाले, जिथपर्यंत रोहित आणि विराटसाठी हा शेवटचा दौरा आहे, असं काही नाही. आपण अशा गोष्टींमध्ये कधीही पडू नये. हा निर्णय फक्त खेळाडूंच्या हाती आहे की ते कधी रिटायर होऊ इच्छितात. ऑस्ट्रेलियातील दौरा त्यांचा शेवटचा दौरा आहे असे म्हणणे पूर्णपणे चुकीचे आहे.

त्यांनी वेस्टइंडीजविरुद्धच्या कसोटी मालिकेत 2-0 ने जिंकलेल्या टीम इंडियाचेही कौतुक केले. ते म्हणाले, शुबमन गिलच्या (Shubman gill) नेतृत्वाखाली भारतीय संघाने वेस्टइंडीजवर कसोटी मालिका जिंकली, त्याबद्दल मला आनंद आहे. ऑस्ट्रेलियात जाण्याआधी हा विजय खूप महत्वाचा होता, कारण ऑस्ट्रेलिया नेहमी कडक आव्हान देते.

भारताने दुसऱ्या कसोटीत वेस्टइंडीजला 7 विकेटने हरवले. टीम इंडियाने पहिला कसोटी सामना 140 धावांच्या मोठ्या फरकाने जिंकला होता. दुसऱ्या कसोटीत पाचव्या दिवशी केएल राहुलने (KL Rahul) 58 धावांची अर्धशतकीय खेळी करत विजय सुनिश्चित केला. हा वर्ल्ड टेस्ट चॅम्पियनशिप 2025-27 च्या चक्रातील टीम इंडियासाठी पहिला मालिका विजय आहे.