ज्या दिवशी आशिया कप 2025 (Asia Cup 2025) चे वेळापत्रक जाहीर झाले, त्या दिवसापासून भारत-पाकिस्तान सामना (India vs Pakistan Match) वादाचा विषय बनला आहे. आशिया कपमध्ये दोन्ही संघांची ‘महाभिडंत’ 14 सप्टेंबरला होणार आहे. संपूर्ण भारतभर या सामन्याला रद्द करण्यासाठी मोहीम सुरु झाली आहे. राजकीय पक्ष देखील याचा विरोध करत आहेत. अशा परिस्थितीत प्रश्न उठतो की, हा सामना रद्द करण्याचा निर्णय भारतीय क्रिकेट कंट्रोल बोर्ड (BCCI) कडे आहे का?
नाही, भारत-पाक सामना रद्द करण्याचा निर्णय बीसीसीआय कडे नाही. यासंदर्भात बीसीसीआयचे सचिव देवजीत सैकिया (Devjit Sakiya) यांनी स्वतः स्टेटमेंट देऊन सांगितले की, आशिया कपवर भारत सरकार जे निर्णय घेईल, बोर्ड त्याचे पालन करेल.
भारत सरकारने पाकिस्तानसोबत कोणताही सामना खेळण्यासंदर्भात नवीन धोरण लागू केले आहे. या धोरणानुसार आंतरराष्ट्रीय स्पर्धांमध्ये भारतीय संघ पाकिस्तानसोबत खेळेल, पण द्विपक्षीय मालिका आयोजित केली जाणार नाही. भाजपाचे अनुराग ठाकूर देखील हेच म्हणाले आहेत. त्यामुळे आशिया कप सामना रद्द करायचा की नाही, हा निर्णय पूर्णपणे भारत सरकारकडे आहे.
विपक्षानेही भारत-पाक सामना बाबत केंद्र सरकारला लक्ष्य केले आहे. सामना रद्द करण्यासाठी सुप्रीम कोर्टात याचिका देखील दाखल केली गेली होती, पण उच्च न्यायालयाने लॉ विद्यार्थ्यांची याचिका नाकारली. त्या याचिकेत म्हटले होते की, पहलगाम हल्ल्यानंतर लगेच पाकिस्तानसोबत सामना खेळणे शहीद झालेल्या भारतीय जवानांचा आणि मृत्यू झालेल्या लोकांचा अपमान ठरेल.
भारत-पाक सामना 14 सप्टेंबरला दुबई इंटरनॅशनल स्टेडियममध्ये होणार आहे. हा सामना भारतीय वेळेनुसार रात्री 8 वाजता लाईव्ह प्रक्षेपित केला जाणार आहे.
Comments are closed.