IND vs SA: ‘भारताचा हा खेळाडू सर्वात आवडता फलंदाज..’ कसोटी मालिकेआधी दक्षिण आफ्रिकेचा खेळाडू हाशिम आमलाचा खुलासा

दक्षिण आफ्रिकेच्या महान फलंदाज हाशिम आमला यांनी भारतीय कर्णधार रोहित शर्मा याची मनापासून स्तुती केली आहे (South Africa batter hashim amla on Rohit Sharma). आमला म्हणाला की, रोहित फक्त एक उत्कृष्ट फलंदाज नाही, तर त्याच्या फलंदाजीतील बारकाई आणि त्याची खेळी पाहण्यासारखी असते.
रोहित शर्मा माझ्या आवडत्या फलंदाजांपैकी एक आहे. मला त्याला फलंदाजी करताना पाहायला खूप आवडतं. त्याच्या शॉट्समधल वेगळेपण आणि सहजता अप्रतिम आहे.

रोहित शर्मा वनडे क्रिकेटमधील सर्वात यशस्वी फलंदाजांपैकी एक मानला जातो. त्याने आपल्या कारकिर्दीत असे अनेक विक्रम केले आहेत, जे त्याला एक वेगळी ओळख देतात.

याआधी हाशिम आमलाने निवडली होती ‘ऑल टाइम वनडे प्लेइंग इलेव्हन’ याआधी दक्षिण आफ्रिकेच्या महान फलंदाज हाशिम आमलाने आपली ऑल टाइम वनडे प्लेइंग इलेव्हन निवडली होती. शुभंकर मिश्रा यांच्या पॉडकास्टवर आमला यांनी या विषयावर सविस्तर चर्चा केली.

माजी दक्षिण आफ्रिकी फलंदाजाने सलामीवीर (ओपनर) म्हणून सचिन तेंडुलकर आणि अ‍ॅडम गिलख्रिस्ट यांची निवड केली. तर नंबर 3 वर आमलाची पसंती होती विराट कोहली. नंबर 4 वर त्याने ब्रायन लारा, नंबर 5 वर एबी डिव्हिलियर्स,
आणि नंबर 6 वर जॅक कॅलिस यांची निवड केली. नंबर 7 वर आमलाने एम.एस. धोनी यांना स्थान दिलं असून, त्यांची निवड विकेटकीपर म्हणून केली आहे.

हाशिम आमलाने आपल्या ऑल टाइम वनडे इलेव्हनमध्ये दोन फिरकीपटूंनाही स्थान दिलं आहे. मुथय्या मुरलीधरन आणि शेन वॉर्न.
तर वेगवान गोलंदाज म्हणून त्याने वसीम अकरम आणि डेल स्टेन यांची निवड केली आहे.

रोहित शर्माच्या वनडे करिअरमधील प्रमुख आकडे (नोव्हेंबर 2025 पर्यंत)

समोर: 276

धावा: 11,370

सरासरी: 49.22

स्ट्राइक रेट: 92.66

शतकं: 33

अर्धशतक:

सर्वोच्च धावसंख्या: 264

रोहित शर्मा हा वनडे क्रिकेटमध्ये तीन द्विशतकं झळकावणारा एकमेव फलंदाज आहे. त्याने ICC स्पर्धांमध्ये भारताला अनेक वेळा जबरदस्त सुरुवात करून दिली आहे.
2019 च्या विश्वचषकात त्याने 5 शतकं झळकावून एका विश्वचषकात सर्वाधिक शतकांचा विक्रम केला होता.

हाशिम आमलाची ऑल टाइम वनडे प्लेइंग इलेव्हन: सचिन तेंडुलकर, अ‍ॅडम गिलख्रिस्ट, विराट कोहली, ब्रायन लारा, एबी डिव्हिलियर्स, जॅक कॅलिस, एम.एस. धोनी, मुथय्या मुरलीधरन, शेन वॉर्न, वसीम अकरम, डेल स्टेन