दररोज सकाळी उपाशीपोटी अनेकांना चहा किंवा कॉफी घेण्याची सवय असते. मात्र उपाशीपोटी एक चमचा तूप खाणे आरोग्यासाठी अत्यंत फायद्याचे असते. तूप आरोग्याच्या दृष्टीने देखील अनेक फायदे देते. तूप शरीराला ऊर्जा देण्यासाठी आणि उत्तम आरोग्य राखण्यासाठी मदत करते. यासाठी रोज सकाळी रिकाम्या पोटी तूप खावे असे म्हंटले जाते. गेल्या अनेक शतकांपासून पारंपरिक भारतीय औषधांमध्येही शुद्धतेचे प्रतीक आणि आयुर्वेदिक पद्धतीमध्ये मुख्य घटक म्हणून तूप किंवा कच्चं लोणी वापरले जाते. रिकाम्यापोटी एक चमचा तूप घेण्याचे फायदे आपण जाणून घेऊ…
आतड्याचे कार्य सुधारते
तणाव, कमी झोप, बैठी जीवनशैली, असंतुलित आहार यामुळे थेट आतड्यांवर प्रभाव पडतो. या समस्या टाळण्यासाठी रिकाम्या पोटी तूप खाल्ल्याने आतड्याचे कार्य सुधारते.
चेहऱ्यावर चमक
तूप केवळ आरोग्यासाठीच नव्हे तर तुमच्या सौंदर्यासाठीही फायद्याचेच असते. चेहऱ्यावर नैसर्गिक ग्लो हवा असल्यास रोज सकाळी तूप घ्यावे. सकाळी नियमित तूप खाल्ल्याने चेहऱ्यावरील सुरकुत्या आणि इतर समस्या दूर होतात.
बद्धकोष्ठतेच्या समस्येवर गुणकारी
बद्धकोष्ठतेच्या समस्येवर तूप गुणकारी ठरते. यामुळे पचन तर सुधारतेच, व पोट देखील साफ होते. यामुळे अनेकदा अपचन झाल्यावर घरातील वडीलधारी माणसे तूप खाण्याचा सल्ला देत असतात.
वजन कमी करण्यास मदत
तूप घेतल्याने भूक नियंत्रणात राहते. यामुळे वजन कमी होण्यास मदत होते. नियमितपणे सकाळी चमचाभर तूप खाल्ल्याने मेटॅबॉलिझम सुधारण्यास मदत होते.
पित्त कमी होते
तूप हे पाचक एंझाइम्स आणि पित्त उत्पादनास समर्थन देऊ शकते, ज्यामुळे आम्लता आणि पित्ताची गुळणी येणे नियंत्रित करण्यास मदत होते.
Comments are closed.