A thief wearing a Modi mask मोदींच्या चेहऱ्याचा मास्क घालून घरफोडीचा प्रयत्न फसला, चोरटा सिसीटिव्हीत कैद

सीसीटीव्ही फुटेजमध्ये एक व्यक्ती लोखंडी सळीने मोबाईल दुकानाचे कुलूप तोडण्याचा प्रयत्न करताना दिसला, त्याने पंतप्रधानांचा चेहरा असलेला आणि राजकीय सभांमध्ये सर्रास दिसणारा मास्क घातला होता

कारेडा पोलीस ठाण्याचे अधिकारी पुरण माल मीना यांनी पीटीआयला सांगितले की, चोरीच्या प्रयत्नादरम्यान संशयिताने आपला चेहरा नरेंद्र मोदींच्या मास्कने झाकला होता.

आता चोरांनी मोदीजींचा मुखवटा घालून चोरी करायला सुरुवात केली आहे pic.twitter.com/nGvT5FInxQ

— DesiEsco🇮🇳 (@DesiEsco7) 30 जून 2026

पंतप्रधानांच्या चेहऱ्याचा मास्क

“चोरी करण्याचा प्रयत्न करताना दिसलेल्या व्यक्तीने पंतप्रधान नरेंद्र मोदी यांचा चेहरा असलेला मास्क घातला होता. मात्र, परिसरातील इतर सीसीटीव्ही कॅमेऱ्यांच्या फुटेजमध्ये त्याचा चेहरा दिसत असून, त्याची ओळख पटवण्याचे प्रयत्न सुरू आहेत,” अशी माहिती मीना यांनी पीटीआयला दिली.

हेही वाचा :Digital India Completed 11 Years एकाच वर्षात २४ हजार कोटींचा व्यवहार, UPI ठरली जगातील सर्वात मोठी रिअल टाईम प्रणाली

पोलिसांकडून अशीही माहिती मिळाली आहे की, चोरीच्या प्रयत्नाच्या ठिकाणापासून सुमारे ८०० मीटर अंतरावर असलेल्या एका मोबाईलच्या दुकानात त्याच रात्री चोरी झाली होती. तथापि, सीसीटीव्ही फुटेजमधील व्यक्तीचा त्या चोरीत सहभाग होता की नाही, हे पोलिसांनी अद्याप निश्चित केलेले नाही.

“ज्या दुकानात चोरी झाली, तिथले सीसीटीव्ही फुटेज उपलब्ध नाही. त्यामुळे, त्या घटनेत तीच व्यक्ती सामील होती की नाही, हे अद्याप स्पष्ट झालेले नाही,” असे एसएचओ म्हणाले. संशयिताची ओळख पटवून त्याचा शोध घेण्याचे प्रयत्न सुरू असल्याचे पोलिसांनी सांगितले.