बहुप्रतीक्षीत भारत-न्यूझीलंड टी२० मालिका गुरूवारपासून (२२ ऑक्टोबर) सुरू होणार आहे. या मालिकेतील पहिला सामना ख्राईस्टचर्च येथे खेळला जाणार असून भारतीय अनुभवी वेगवान गोलंदाज भुवनेश्वर कुमारचा अंतिम अकरामधील प्रवेश जवळपास निश्चित आहे. तो जवळपास चार वर्षांनतर आंतरराष्ट्रीय पुनरागमन करत आहे. त्याला वेस्ट इंडिजविरुद्धच्या शेवटच्या सामन्यात खेळण्याची संधी मिळाली होती, मात्र तो सामना पावसामुळे रद्द झाला होता. आता भुवनेश्वरला आगामी न्यूझीलंड मालिकेत कारकिर्दीतील एक मोठा टप्पा गाठण्याची संधी आहे.
भुवनेश्वरने भारतासाठी आतापर्यंत ८८ टी२० आंतरराष्ट्रीय सामने खेळले आहेत. २०१२ मध्ये टी२० आंतरराष्ट्रीयमध्ये पदार्पण केल्यानंतर त्याने २०२२ मध्ये शेवटचा सामना खेळला होता. आता चार वर्षांनंतर तो पुन्हा भारतीय संघात परतला आहे. यामुळे तो विकेट्सचे शतक पूर्ण करून एका विशेष यादीत समाविष्ट होऊ शकतो.
न्यूझीलंडविरुद्धच्या पाचही टी२० सामन्यांत भुवनेश्वर खेळला, तर त्याला १०० विकेट्सचा टप्पा पार करता येईल. सध्या त्याने टी२० आंतरराष्ट्रीय सामन्यांमध्ये ९० विकेट्स घेतल्या आहेत. यामुळे त्याला १०० विकेट्स पूर्ण करण्यासाठी केवळ १० विकेट्सची आवश्यकता आहे.
भारतासाठी टी२० आंतरराष्ट्रीय सामन्यांमध्ये १०० विकेट्स केवळ तीन गोलंदाजांनी घेतले आहेत. अर्शदीप सिंग या यादीत पहिल्या स्थानी असून त्याने १४५ विकेट्स घेतल्या आहेत. हार्दिक ११४ विकेट्ससह दुसऱ्या आणि ११३ विकेट्ससह अक्षर पटेल तिसऱ्या स्थानी आहे. चौथ्या स्थानी युझवेंद्र चहल आहे. त्याने ९६ विकेट्स घेतल्या आहेत.
टी२० आंतरराष्ट्रीय सामन्यांमध्ये भारतासाठी सर्वाधिक विकेट्स घेणारे गोलंदाज
145 – अर्शदीप सिंग
114 – हार्दिक पांड्या
113 – अक्षर पटेल
९६ – युझवेंद्र चहल
90 – भुवनेश्वर कुमार
(भुवनेश्वर कुमार इतिहास रचण्याच्या मार्गावर! IND vs NZ T20 मालिका 2026 मध्ये 'हा' विक्रम प्रस्थापित करण्याची संधी)
Comments are closed.