भुवनेश्वर कुमार पुन्हा दिसणार भारताच्या जर्सीमध्ये, 'या' स्पर्धेत करणार टीम इंडियाचे नेतृत्व

वेगवान गोलंदाज भुवनेश्वर कुमार पुन्हा एकदा भारताच्या निळ्या जर्सीमध्ये दिसणार आहे. तो संघाचे नेतृत्व करणार असून त्याच्या संघात कृणाल पांड्यासह शशांक सिंग, राहुल तेवातिया, नितीश राणा, राहुल त्रिपाठी आणि टी नटराजन यांचा समावेश आहे.

‘हाँगकाँग सिक्सस’च्या प्रसिद्धी पत्रकानुसार, भारताचा हा संघ ‘हाँगकाँग सिक्सस 2026’ साठी निवडला गेला आहे. यामध्ये भारताचे कर्णधारपद भुवनेश्वर कुमारकडे सोपवण्यात आले आहे.

क्रिकेटच्या सर्वात वेगवान आणि मनोरंजक प्रकारांपैकी एक असलेल्या क्रिकेटसाठी, या संघात आंतरराष्ट्रीय अनुभव, स्फोटक फलंदाजी, अष्टपैलू क्षमता आणि विशेष गोलंदाजी यांचा संगम आहे. २०२६ ची आवृत्ती ही JSW स्पोट्ससोबतची पहिली व्यावसायिक भागीदार आहे.

या स्पर्धेचा फॉरमॅट केवळ ६ खेळाडूंचा आहे. त्यामुळे प्रत्येक सामने रोमांचक होण्याची शक्यता आहे. पाकिस्तानवर दोन धावांनी डकवर्थ-लुईसच्या नियमानुसार विजय मिळवून आपल्या २०२५ च्या मोहिमेची सुरूवात करणाऱ्या भारताला त्यानंतरच्या सामन्यांमध्ये पराभवाचा सामना करावा लागला आणि परिमाणी स्पर्धेबाहेर व्हावे लागले.

२०२६ च्या आवृत्ती पाकिस्तान गतविजेता म्हणून खेळणार, तर या स्पर्धेत आठ प्रमुख देशांसोबत चार सहयोगी सदस्या देश सहभागी होती. ही स्पर्धा ३० ऑक्टोबर ते १ नोव्हेंबर दरम्यान खेळली जाणार आहे.