बिहारमध्ये भाजपचा मुख्यमंत्री होणार, नितीश कुमार राज्यसभेवर जाणार; खांदेपालट होण्याची शक्यता

पाटणा: देशाच्या राजकारणात मोठी घडामोड घडण्याची शक्यता असून बिहारमध्ये खांदेपालट होणार असल्याची माहिती विश्वसनीय सूत्रांनी दिली. बिहारचे मुख्यमंत्री नितीश कुमार (Nitish Kumar) हे राज्यसभेवर जाणार असून त्यांच्या जागी भाजपचा मुख्यमंत्री होणार असल्याची चर्चा आहे. त्याचवेळी नितीश कुमार यांचे पुत्र निशांत कुमार (Nishant Kumar) हे बिहारचे उपमुख्यमंत्री होतील अशी माहिती समोर येत आहे.

बिहारमध्ये एनडीएच्या वाट्याला राज्यसभेच्या आठ जागा येणार असून त्यापैकी दोन जागा या नितीश कुमार यांच्या संयुक्त जनता दलला मिळण्याची शक्यता आहे. त्या दोन जागांपैकी एका जागेवर नितीश कुमार राज्यसभेवर जातील अशी शक्यता वर्तवली जात आहे.

Bihar Politics Update : भाजपकडे मुख्यमंत्रिपद जाण्याची शक्यता

नितीश कुमार जर दिल्लीच्या राजकारणात गेले तर बिहारच्या मुख्यमंत्रिपदावर भाजप दावा करण्याची शक्यता आहे. बिहारमध्ये भाजपच्या सर्वाधिक जागा निवडून आल्या आहेत. त्याचवेळी नितीश कुमार यांचे पुत्र निशांत कुमार हे उपमुख्यमंत्रिपदावर निवडले जाण्याची शक्यता वर्तवली जात आहे.

राज्यसभेच्या नामांकनासाठी 5 मार्च ही शेवटची तारीख आहे. त्यामुळे उमेदवारी अर्ज दाखल करण्यासाठी अवघा एकच दिवस उरला आहे. अशात नितीश कुमार जर राज्यसभेवर गेले तर बिहारचे राजकारण पूर्णपणे बदलले जाण्याची शक्यता वर्तवली जात आहे.

भारतीय जनता पक्षाचे उमेदवार ठरले

भारतीय जनता पक्षाने राज्यसभेच्या पाच जागांसाठी आपले उमेदवार जाहीर केले आहेत. पक्षाचे राष्ट्रीय अध्यक्ष नितीन नवीन आणि प्रदेश सरचिटणीस शिवेश कुमार यांना उमेदवारी देण्यात आली आहे. केंद्रीय मंत्री रामनाथ ठाकूर यांची उमेदवारीही जवळजवळ निश्चित मानली जात आहे. नितीश कुमार यांच्या संयुक्त जनता दलला दोन जागा देण्यात आल्या आहेत, तर एक जागा राष्ट्रीय लोक मोर्चाचे अध्यक्ष उपेंद्र कुशवाहा यांना देण्यात आली आहे.

Bihar Assembly Partywise Seats Result : बिहारमध्ये पक्षनिहाय जिंकलेल्या जागा

एनडीए – 202

भारतीय जनता पक्ष:

जनता दल युनायटेड:

लोक जनशक्ती पक्ष : १९

हिंदुस्थानी अवाम मोर्चा:

राष्ट्रीय लोक मोर्चा : ४

महाआघाडी – 35

राष्ट्रीय जनता दल (राष्ट्रीय जनता दल):

काँग्रेस (भारतीय राष्ट्रीय काँग्रेस): 6

मार्क्सवादी-लेनिनवादी कम्युनिस्ट पक्ष: 2

भारतीय सर्वसमावेशक पक्ष : १ जागा

भारतीय कम्युनिस्ट पक्ष (CPI M): १

इतर – 2

एमआयएम (AIMIM) : 5

बहुजन समाज पक्ष : १

ही बातमी वाचा:

आणखी वाचा