श्रीभूमी- मानवता आणि समाजसेवेचा संदेश देत शनिवार, १९ सप्टेंबर रोजी श्रीभूमी जिल्ह्यातील करीमगंज सिव्हिल हॉस्पिटलमध्ये ऐच्छिक रक्तदान कार्यक्रमाचे आयोजन करण्यात आले होते. करीमगंजचे खासदार कृपानाथ मलाह यांनी या कार्यक्रमात स्वतः रक्तदान केले आणि लोकांना स्वेच्छेने रक्तदानासाठी पुढे येण्याचे आवाहन केले. रक्तदान केल्यानंतर खासदार कृपानाथ मलाह म्हणाले की, रक्तदान ही केवळ महान सेवा नसून गरजू व्यक्तीचे प्राण वाचविण्याचे महत्त्वाचे साधन आहे.
निरोगी व सक्षम नागरिकांनी नियमितपणे स्वेच्छेने रक्तदान करण्याचे आवाहन त्यांनी केले. जिल्हा भाजप अध्यक्ष संजीव बनिक, आशिष नाथ, बिजू बनिक, चिव्रत आचार्य व महिला मोर्चा अध्यक्षा श्रीमती. ज्योतिका डे यांच्यासह भाजपचे कार्यकर्ते व मान्यवर उपस्थित होते.
यावेळी झुबिन यांना आदरांजली वाहण्यासाठी दीपप्रज्वलन करण्यात आले व पुष्पहार अर्पण करण्यात आला. यावेळी उपस्थितांनी झुबिन यांच्या आत्म्याला शांती मिळावी यासाठी प्रार्थना केली. कार्यक्रमाच्या माध्यमातून सर्वसामान्यांना रक्तदानाविषयी जागृती करून “रक्तदान करा, जीवन वाचवा” असा संदेश देण्यात आला.
Comments are closed.