क्रिकेट सामन्याच्या तिकिटांचा काळाबाजार, तिघांना अटक

क्रिकेट सामन्याचे तिकीट ब्लॅक केल्याप्रकरणी तिघांना अटक करण्यात आली आहे. ही कारवाई 31 जानेवारी रोजी सायंकाळी सहा वाजता मामुर्डी येथे करण्यात आली.

अर्जुन शशिकांत सप्पागुरू (वय 22, रा. देहूरोड), रवींद्र मनोहर बनसोडे (वय 27, रा. मामुर्डी, पुणे. मूळ रा. धाराशिव), राहुल राजू कानडे (वय 24, रा. देहूरोड) अशी अटक केलेल्या आरोपींची नावे आहेत. पोलीस हवालदार सुनील शिरसाट यांनी देहूरोड पोलीस ठाण्यात फिर्याद दिली आहे. 31 जानेवारी रोजी हिंदुस्थान विरुद्ध इंग्लंड कसोटी क्रिकेट सामना गहुंजे येथील महाराष्ट्र क्रिकेट असोसिएशनच्या मैदानावर झाला. या सामन्यासाठी 2 हजार 647 रुपये तिकीट होते. या दराची तिकिटे आरोपींनी खरेदी केली. तीच तिकिटे ब्लॅकने सहा हजार रुपयांना विकली. याबाबत पिंपरी-चिंचवड गुन्हे शाखेच्या अनैतिक मानवी वाहतूक प्रतिबंधक कक्षाला माहिती मिळाल्यावर पोलिसांनी तिघांना अटक केली.