मुंबईत काँग्रेसच्या निकालांनी सर्वांनाच धक्का! 16च्या स्ट्राईक रेटने बॅटिंग करत जिंकल्या 24 जाग

काँग्रेसच्या विजयी उमेदवारांची यादी मराठी बातम्या : देशातील सर्वात श्रीमंत नगरपालिकेच्या बृहन्मुंबई महानगरपालिकेच्या (BMC) निवडणुकांचे निकाल शुक्रवारी जाहीर झाले. या निकालांमध्ये काँग्रेसला केवळ 24 जागांवर समाधान मानावे लागले. अस्तित्व टिकवण्यात काँग्रेस यशस्वी ठरली असली, तरी मागील निवडणुकीच्या तुलनेत यावेळी पक्षाची कामगिरी निराशाजनकच ठरली आहे. काँग्रेसने यावेळी बीएमसी निवडणूक 152 जागांवर लढवली होती, तर उर्वरित जागा आपल्या सहयोगी पक्षांसाठी वंचित बहुजन आघाडी (VBA), राष्ट्रीय समाज पक्ष आणि रिपब्लिकन पार्टी ऑफ इंडिया सोडल्या होत्या.

बृहन्मुंबई महानगरपालिका निवडणुकीत विजयी झालेल्या काँग्रेस पक्षाच्या सर्व नगरसेवकांचे मनःपूर्वक हार्दिक अभिनंदन!#BMCR परिणाम #मुंबई #काँग्रेस@mybmc pic.twitter.com/QyPh7tjCQs

— मुंबई काँग्रेस (@INCMumbai) 16 जानेवारी 2026

महायुतीच्या जोरदार लाटेतही काँग्रेसने मोठ्या पक्षांपासून दूर राहून ‘एकला चलो’ची भूमिका घेत तुलनेने ठीकठाक कामगिरी केली. 2017 च्या बीएमसी निवडणुकीत काँग्रेसने 31 जागा जिंकत तिसऱ्या क्रमांकाचा पक्ष म्हणून स्थान मिळवले होते. त्या तुलनेत यावेळी काही जागांची घसरण झाली असली, तरी सध्याच्या त्रिकोणी व गुंतागुंतीच्या राजकीय समीकरणांमध्ये, तसेच महायुतीच्या प्रभावी लाटेतही काँग्रेसने स्वतःचे अस्तित्व ठळकपणे नोंदवले आहे.

मुंबईतील काँग्रेसच्या विजयी उमदेवारांची यादी (BMC Congress Winning Candidates List) –

मुंबईत असा राहिला स्ट्राईक रेट- (BMC Election Result 2026)

पक्ष : लढलेल्या जागा/जिंकलेल्या जागा/स्ट्राईक रेट

भाजपा : 135/89/66 टक्के
उबाठा : 160/65/40.62 टक्के
शिवसेना शिंदे : 90/29/32.22 टक्के
काँग्रेस : 151/24/15.89 टक्के
शरद पवार राष्ट्रवादी : 11/1/0.90 टक्के
मनसे : 53/6/0.86 टक्के
राष्ट्रवादी काँग्रेस : 37/3/0.81 टक्के

मुंबईत अशी राहिली मतांची टक्केवारी –

भाजपा : 45.39 टक्के
उबाठा : 27.37 टक्के
शिवसेना : 10.28 टक्के
काँग्रेस : 9.41 टक्के
मनसे : 2.91 टक्के

हे ही वाचा –

Maharashtra Municipal Corporation Election Result 2026: मुंबईत भाजप नंबर 1, ठाकरे गट दुसऱ्या क्रमांकावर; अजितदादांपेक्षा राज ठाकरेंचा जास्त स्ट्राईक रेट, महाराष्ट्रात कोण टॉपवर?

आणखी वाचा