ब्रेकिंग: आजपासून महाराष्ट्रातील 'हा' महत्त्वाचा घाटमार्ग सर्व प्रकारच्या वाहतुकीसाठी बंद, काय आहे कारण

राज्यातील महत्त्वाचा घाटमार्ग आजपासून बंद करण्याचा निर्णय घेण्यात आला आहे. मिळालेल्या माहितीनुसार, पुण्यातील सिंहगड घाटातील रस्ता काही कारणास्तव पुढील दोन-तीन दिवस वाहतुकीसाठी बंद राहणार आहे.

आज मध्यरात्रीपासून हा घाट रस्ता वाहतुकीसाठी बंद करण्याचा निर्णय प्रशासनाने घेतला आहे. आम्ही तुम्हाला कळवू इच्छितो की पुणे ग्रँड चॅलेंज टूर सायकल स्पर्धा 2026 चे आयोजन करण्यात आले आहे.

दरम्यान, याच सायकलिंग स्पर्धेच्या तयारीचा एक भाग म्हणून सिंहगड घाट वाहतुकीसाठी बंद ठेवण्याचा निर्णय घेण्यात आला आहे. सिंहगड घाट परिसरात सुरू असलेल्या डांबरीकरणाच्या कामामुळे 24 ते 26 नोव्हेंबर या कालावधीत सिंहगड घाटातील वाहतूक पूर्णपणे बंद ठेवण्यात आली आहे.

जिल्हाधिकारी जितेंद्र दुडी यांनी हा आदेश जारी केला आहे. सार्वजनिक बांधकाम विभागाचे कार्यकारी अभियंता आणि पुणे ग्रामीण पोलिस अधीक्षक यांच्या संयुक्त अहवालानंतर हा निर्णय घेण्यात आला आहे.

जिल्हाधिकाऱ्यांच्या आदेशानंतर गोळेवाडी चौक ते सिंहगड घाट (कोंढाणपूर बाजू) हा संपूर्ण मार्ग बंद राहणार आहे. तसेच सिंहगड किल्ल्यावर जाणाऱ्या पर्यटकांची वाहतूक या काळात पूर्णपणे बंद राहणार आहे.

याशिवाय पानशेत, खानापूर, डोणजे, आतकरवाडी येथून सिंहगड घाटमार्गे खेड-शिवापूरकडे जाणारी वाहतूकही बंद राहणार आहे. त्यामुळे या मार्गांवरून प्रवास करणाऱ्या प्रवाशांना अन्य पर्यायी मार्गाने जाण्याचा सल्ला देण्यात आला आहे. नागरिकांनी वाहतूक बंदीला सहकार्य करण्याचे आवाहनही प्रशासनाने केले आहे.

सायकलस्वारांची सुरक्षा आणि रस्त्याच्या कामाचा दर्जा अबाधित राखण्यासाठी ही तात्पुरती बंदी आवश्यक असल्याचे जिल्हा प्रशासनाने स्पष्ट केले आहे. दरम्यान, आता आपण पर्यायी मार्गांची माहिती जाणून घेणार आहोत.

पर्यायी मार्ग काय आहेत?

सिंहगड घाटातील वाहतूक पूर्णपणे ठप्प होणार असल्याने सर्वसामान्यांनी डोणजे चौक → खडकवासला → किरकटवाडी → नांदेड शहर → वडगाव धायरी मार्गे (NH-48) या मार्गाचा वापर करावा.

या पर्यायी मार्गाचा वापर करून प्रवाशांना खेड-शिवापूरला जाता येणार आहे. 24 नोव्हेंबरच्या रात्रीपासून घाटमार्ग बंद राहणार असून 26 नोव्हेंबरच्या मध्यरात्री 12 पर्यंत बंद राहणार आहे. सिंहगड घाट रस्त्यावर येत्या ४८ तासांत डांबरीकरणाचे काम करण्यात येणार आहे.