खेळांच्या दुनियेत काही नावे केवळ विजेतेपदासाठीच नव्हे तर इतिहास घडवण्यासाठी ओळखली जातात. बल्गेरियाच्या पॅरा गोळाफेकपटू स्टार रुजदीने दुबईतील विश्व पॅराथलेटिक्स स्पर्धेत असेच पराक्रम केले. त्याने केवळ सलग सहावे सुवर्णपदक जिंकले नाही, तर स्वतःच्याच विश्वविक्रमाला मागे टाकत नवीन उंची गाठली. त्यांची ही कामगिरी क्रीडाप्रेमींसाठी प्रेरणादायी ठरली आहे. 34 वर्षीय रुजदी रविवारी पुरुषांच्या शॉटपुट प्रकारात मैदानात उतरला असता सर्वांचे लक्ष त्याच्याकडे होते. शेवटच्या आणि सहाव्या प्रयत्नात त्याने 12.94 मीटरचा अप्रतिम थ्रो नोंदवला. हा थ्रो त्याच्या स्वतःच्याच 2023 पॅरिस विश्वचषकातील 12.68 मीटरच्या विक्रमापेक्षा जास्त होता. या यशामुळे त्याने पॅरा शॉटपुटमध्ये आपले वर्चस्व आणखी भक्कम केले.
Comments are closed.